قازاقستان قۇراماسى VI يسلام ىنتىماقتاستىعى ويىندارىندا سەمسەرلەسۋ بويىنشا التىن مەدال جەڭىپ الدى، دەپ حابارلايدى Aqshamnews ءتىلشىسى تۋريزم جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
مينيسترلىك مالىمەتىنشە، كوماندالىق شپاگا جارىسىندا ەرلىك سەرتاي، ۆاديم شارلايموۆ جانە كيريلل پروحودوۆ قارسىلاستارىن سەنىمدى تۇردە ۇتىپ، ءتۋرنيردىڭ جەڭىمپازدارى اتاندى.
ستارتتىق كەزدەسۋدە قازاقستاندىق سپورتشىلار قىرعىزستان قۇراماسىن 45:34 ەسەبىمەن جەڭدى. جارتىلاي فينالدا ومان كومانداسىنان باسىم ءتۇستى: 45:26. ال شەشۋشى فينالدا جارىس قوجايىندارى ساۋد ارابياسى قۇراماسىن 45:29 ەسەبىمەن تىزە بۇكتىردى.
وسىلايشا، قازاقستان قۇراماسى يسلام ىنتىماقتاستىعى ويىندارىندا تاعى ءبىر التىن مەدال ولجالادى.