قازاقستاندا ءموبيلدى ينتەرنەت-ترافيك پايدالانۋ تۇركيا، سينگاپۋر، يتاليا، بەلگيا جانە وزگە دە كوپتەگەن ەلدەرگە قاراعاندا ءبىرشاما جوعارى.
سوعان قاراماستان، قازاقستاندىقتار ءۇشىن ينتەرنەت باعاسى تومەندەپ كەلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Beeline جەلىسى دەرەكتەر ترافيگىنىڭ كولەمى 2021 جىلى ءبىر پايدالانۋشىعا ۇشتەن بىرگە ۇلعايعان. وپەراتوردىڭ دەرەگىنشە، 2021 جىلدىڭ 4ء-شى توقسانىندا ترافيك پايدالانۋ كولەمى ءبىر پايدالانۋشىعا 14،1 گب-قا جەتتى. بۇل ءبىر جىل بۇرىنعى ءدال وسىنداي كەزەڭدەگى كولەمنەن 28،2 پايىزعا جوعارى.
ال Kcell-دە 2021 جىلدىڭ 4ء-شى توقسانىندا ءبىر پايدالانۋشى قولدانعان ترافيك كولەمى 11،6 گب بولدى. بۇل كورسەتكىش تە 2020 جىلدىڭ 4ء-شى توقسانىنداعى دەرەكتەن 18،3 پايىزعا كوپ. ايتا كەتەرلىگى، قازاقستانداعى كورسەتكىش الەم بويىنشا ورتاشا دەڭگەيدەن ءبىرشاما جوعارى.
ەلىمىز ءموبيلدى ينتەرنەت-ترافيكتى ەڭ كوپ پايدالاناتىن ەلدەردىڭ توپ-15-ىنە كىرەدى. ايتالىق، وتكەن جىلدىڭ 4ء-شى توقسانىندا ءبىر قازاقستاندىق 14،1 گب ترافيك قولدانعان. بۇل ورتاشا ماننەن 46 پايىزعا جوعارى. ال بۇل كورسەتكىش تۇركيادا – 13،6، سينگاپۋردا – 13، يتاليادا – 12، گرەكيادا – 6،2، بەلگيادا 5،4 گب-تى قۇرادى.
ەلىمىزدە ينتەرنەت-ترافيك پايدالانۋ كولەمىنىڭ وتە جوعارى بولۋى جاھاندىق جەلىنىڭ ازاماتتارىمىز ءۇشىن قولجەتىمدىلىگىن كورسەتەدى. مۇنىڭ ۇستىنە ترافيك پايدالانۋ كولەمىنىڭ ارتۋىنا قاراماستان، ءموبيلدى ينتەرنەت قۇنى ارزانداپ تا كەلەدى. ماسەلەن، 2021 جىلدىڭ قورىتىندىسىندا 1گب ينتەرنەت-ترافيكتىڭ ورتاشا باعاسى 110،5 تەڭگە بولدى. بۇل ءبىر جىل بۇرىنعى كورسەتكىشتەن 9،7 پايىزعا ارزان.
سونىمەن قاتار ۇيالى تەلەفونمەن ءبىر مينۋت سويلەسۋ قۇنى دا ارزانداي تۇسۋدە. 2018 جىلى 1 مينۋت سويلەسۋ قۇنى 1،41 تەڭگە بولسا، 2019 جىلى – 1،34، 2020 جىلى 1،2، 2021 جىلى 1،19 تەڭگە بولدى.