بۇگىن، شايبالى حوككەيدەن الەم چەمپيوناتى ەليتالىق ديۆيزيونىندا قازاقستان قۇراماسى ءۇشىنشى كەزدەسۋىندە گەرمانياعا قارسى وينايدى، دەپ حابارلايدى اlmaty-akshamy.kz.
الەم چەمپيوناتىندا قازاقستاندىق حوككەيشىلەر ۆ توبىندا فرانسيا، سلوۆاكيا، لاتۆيا، شۆەسيا، گەرمانيا، اقش جانە پولشامەن سىنعا ءتۇسىپ جاتىر.
ءدۇبىرلى دودا 10-26 مامىر ارالىعىندا چەحيانىڭ پراگا جانە وستراۆا قالالارىندا وتكىزىلۋدە.
قازاقستان مەن گەرمانيا كەزدەسۋى بۇگىن، 17 مامىردا ساعات 19.20-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ەكى قۇراما بۇعان دەيىن 7 مارتە كەزدەستى. ونىڭ 3ء-ۋى قازاقستاننىڭ باسىمدىعىمەن اياقتالسا، قالعانىندا قارسىلاسىنا ەسە جىبەردى.
ودان كەيىن ەل قۇراماسى 19 مامىردا اقش، 20 مامىردا پولشا حوككەيشىلەرىمەن شەبەرلىك بايقاسادى.