الماتى وبلىسىندا ءتارتىپ ساقشىلارى “اnti-fraud” جەدەل-پروفيلاكتيكالىق ءىس-شاراسى اياسىندا حالىق اراسىندا ازاماتتاردىڭ قۇقىقتىق ساۋاتتىلىعىن ارتتىرۋعا جانە ينتەرنەت-الاياقتىقتىڭ الدىن الۋعا باعىتتالعان تۇسىندىرمە جۇمىستارىن جۇرگىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسەيلەر حالىققا الاياقتاردىڭ ازاماتتاردىڭ اقشاسى مەن مۇلكىن ۇرلاۋ ادىستەرى تۋرالى ءتۇسىندىردى. ءتارتىپ ساقشىلارى اقپاراتتىق بۋكلەتتەر مەن كىتاپشالاردى تاراتۋ تۇرىندەگى ءداستۇرلى ادىستەرمەن شەكتەلمەي، ءدىن سالاسىنىڭ قىزمەتكەرىن دە تارتتى.
"ينتەرنەت-الاياقتاردىڭ ايلا-امالدارىنا كوبىنەسە اعا بۋىن وكىلدەرى تۇسەتىنى بارىنە ءمالىم. سوندىقتان ءبىز ءدىني قىزمەتكەرلەردى تارتۋدى شەشتىك. بۇل جالپى ازاماتتار اراسىندا عانا ەمەس، قارتتار اراسىندا دا ءاقپاراتتىق-تۇسىندىرۋ جۇمىستارىنىڭ اۋقىمىن ۇلعايتۋعا مۇمكىندىك بەرەدى"، – دەپ اتاپ ءوتتى الماتى وبلىسى پد كپب باستىعىنىڭ ورىنباسارى نۇرجان كەنەسحان ۇلى.
“Anti-fraud” ءىس-شاراسى بارلىق پوليسيا بولىنىستەرىن تارتا وتىرىپ، ءوڭىر اۋماعىندا ءوتتى. الماتى وبلىسىنداعى سوڭعى مالىمەتتەرگە سايكەس جىل باسىنان بەرى ينتەرنەت-الاياقتاردىڭ ارەكەتىنەن 400-گە جۋىق ادام زارداپ شەكتى.
“Anti-fraud” ءىس-شارانىڭ نەگىزگى سوققى كۇشى “كيبەرپول” ءبولىنىسىنىڭ جەدەل ۋاكىلدەرى بولىپ تابىلادى. ولاردىڭ تاباندىلىعىنىڭ ارقاسىندا ينتەرنەت-الاياقتىقتىڭ بىرنەشە فاكتىلەرى اشىلدى. ءىس-شارا بارىسىندا OLX ونلاين-جارناما پلاتفورماسى ارقىلى جوق تاۋارلاردى ساتۋمەن اينالىسقان ءازىربايجان رەسپۋبليكاسىنىڭ 28 جاستاعى ازاماتى ۇستالدى. سونىمەن قاتار، ونلاين-نەسيە راسىمدەپ، الاياقتىقپەن اينالىسقان ايەل ادام انىقتالدى. قازىرگى ۋاقىتتا ونىڭ وسىنداي 10 فاكتىگە قاتىسى بار ەكەندىگى دالەلدەندى"، – دەپ قوستى ن. كەڭەسحان ۇلى.
پروفيلاكتيكالىق ءىس-شارانىڭ ءوتۋ بارىسىندا پوليسيا قىزمەتكەرلەرى تاعى بىرنەشە كۇدىكتىنى انىقتاپ، ۇستاي الدى. بارلىق ۇستالعاندار باسقا دا وسىنداي قىلمىستارعا قاتىسى بار-جوعىنا مۇقيات تەكسەرىلەدى. جەدەل پروفيلاكتيكالىق ءىس-شارا قورىتىندىسى بويىنشا پوليسەيلەر ينتەرنەت-پايدالانۋشىلارعا قاتىستى الاياقتىقتىڭ 17 فاكتىسىن اشتى، ونىڭ ىشىندە بۇرىن جاسالعان 14 قىلمىس جانە كونترافاكتىلىك ءونىمدى ساتۋدىڭ 3 فاكتىسى اشىلدى.