كومەككە مۇقتاج قازاقستاندىقتار، سونداي-اق جان-جاقتى كومەك كورسەتۋگە نيەت بىلدىرگەن دەمەۋشىلەر ءوز وتىنىشتەرىن «قازاقستان حالقىنا» قورىنىڭ سيفرلىق پلاتفورماسى ارقىلى بەرە الادى، دەپ حابارلايدى اlmaty-akshamy.kz قوردىڭ باسپا ءسوز قىزمەتىنە سىلتەمە جاساپ.
www.qazaqstanhalqyna.kz سايتى – كەز كەلگەن ادام جوبالار بويىنشا جاڭالىقتارمەن، قاراجاتتىڭ ءتۇسۋى مەن جۇمسالۋى بويىنشا قارجىلىق ەسەپتەرمەن، جۇزەگە اسىرىلعان جوبالاردىڭ ناتيجەلەرىمەن تانىسا الاتىن اقپاراتتىق پورتال.
قايىرىمدىلىق كومەككە قالاي جۇگىنۋگە بولاتىنى تۋرالى قادامدىق نۇسقاۋلاردى «ءوتىنىشتى قالاي بەرە الامىن» بولىمىنەن قاراڭىز.
وسىلايشا، پايدالانۋشىلار اۆتوماتتى تۇردە www.atamekenim.kz پورتالىنا قايىرىمدىلىق ۇيىمدارىنىڭ ءبىرىڭعاي پلاتفورماسىنا جىبەرىلەدى. ءوتىنىشتى قاراۋدى ءوتىنىش بەرۋشى جاتاتىن جانە ءوتىنىش بەرۋشى مەن قور اراسىنداعى ءوزارا ءىس-قيمىلدى قامتاماسىز ەتۋ نيەتىن بىلدىرگەن حالىقتىڭ ساناتتارىمەن جۇمىس ىستەيتىن ۇەۇ جۇزەگە اسىرادى.
www.atamekenim.kz سايتى قايىرىمدىلىق ۇيىمدارىنىڭ حالىقپەن جۇمىس جاسايتىن الاڭى بولىپ تابىلادى. سايت eGov.kz ەلەكتروندىق ۇكىمەت پورتالىنىڭ كەيبىر مالىمەتتەر بازاسىمەن بىرىكتىرىلگەن. الداعى ۋاقىتتا ءوتىنىش بەرۋشىلەردىڭ مارتەبەسى تۋرالى تولىق اقپارات الۋ ءۇشىن پورتالدى مەملەكەتتىك جانە جەرگىلىكتى اتقارۋشى ورگانداردىڭ بارلىق قولجەتىمدى دەرەكتەر بازالارىمەن ينتەگراسيالاۋ جۇمىستارى جۇرگىزىلەتىن بولادى.
بۇگىنگى تاڭدا سايت دەنساۋلىق ساقتاۋ، ءبىلىم جانە عىلىم، تۇرعىن ءۇي، نەگىزگى قاجەتتىلىكتەر جانە ت.ب سالالاردا جۇمىس ىستەيتىن 86 قايىرىمدىلىق ۇيىمىن اككرەديتاسيالادى.
قور اككرەديتتەلگەن قايىرىمدىلىق ۇيىمدارىنىڭ سانى ارتادى دەپ كۇتۋدە.
قوردىڭ قامقورشىلىق كەڭەسى بەلگىلەگەن ءاربىر قىزمەتى بويىنشا دەمەۋشىلىك كومەككە جۇگىنگەن تۇلعالارمەن جانە ۇەۇ-مەن ءوزارا ءىس-قيمىلدىڭ ەگجەي-تەگجەيلى ەرەجەلەرىن ازىرلەۋ قاجەت.
ءوتىنىم قوردىڭ ماقساتتارى مەن مىندەتتەرىنە سايكەس كەلمەگەن جاعدايدا قابىلدانباۋى مۇمكىن ەكەنىن ەسكەرىڭىز.
وتىنىشتەردى قاراۋ ءۇشىن قور قىزمەتىنىڭ ءاربىر باعىتى بويىنشا ساراپتامالىق كوميسسيالار قۇرىلادى. ساراپتامالىق كوميسسيالاردىڭ مۇشەلەرى قور قىزمەتىنىڭ ءبىر سالاسى بويىنشا ساراپشى دەپ تانىلعان ماماندار بولا الادى.
«قازاقستان حالقىنا» قورى جۇرتشىلىقتىڭ پىكىرىن ەسكەرە وتىرىپ، ساراپتامالىق كوميسسيالاردىڭ قۇرامىن قالىپتاستىرۋعا مۇددەلى. ساراپتامالىق كوميسسيا مۇشەلەرىنە ارنالعان ۇسىنىستاردى سايتتىڭ «ساراپشىلار» بولىمىنە ءوتىپ جىبەرۋگە بولادى.
دەمەۋشىلەردىڭ ۇسىنىستارى قايىرىمدىلىق شارالارىنا قاراجات بولۋگە دە، قوردىڭ اكىمشىلىك شىعىندارىن جابۋعا دا قاتىستى بولۋى مۇمكىن.
ەسكە سالا كەتەيىك، مەملەكەت باسشىسىنىڭ باستاماسىمەن قۇرىلعان «قازاقستان حالقىنا» قورى قيىن ومىردە جاعدايعا تاپ بولعان جانە قولداۋدى قاجەت ەتەتىن حالىققا دەنساۋلىق ساقتاۋ مەن الەۋمەتتىك قورعاۋ سالاسىندا تەگىن كومەك كورسەتەدى. قور سونداي-اق مۇمكىندىگى، تابىستارى، باسقا دا جاعدايلارعا بايلانىستى شەكتەلگەن حالىق توپتارى ءۇشىن الەۋمەتتىك قىزمەتتەردىڭ قولجەتىمدىلىگىن قامتاماسىز ەتۋگە كومەكتەسەدى.
جەكە جانە زاڭدى تۇلعالاردىڭ بارلىق قايىرىمدىلىقتارى تەك ەرىكتى نەگىزدە جاسالادى.