سونداي-اق تىرەك-قيمىل اپپاراتى بۇزىلعان بالالاردى روبوتتاندىرىلعان قۇرالدارمەن قامتاماسىز ەتۋ باعدارلاماسى بويىنشا 13 ەكزوسكەلەت دايىندالىپ، بالالارعا ۇيىندە پايدالانۋعا بەرىلدى.


جاقىندا تەحنيكالىق وڭالتۋ قۇرالدارىنىڭ كومەگىمەن ۇيدە بالالاردى وڭالتۋ جوباسى ىسكە قوسىلدى.



«وڭالتۋ ورتالىقتارىن قانشا قۇرساق تا، بالالاردىڭ وسى ورتالىقتاردا بولۋ ۋاقىتى شەكتەۋلى بولاتىنى تۇسىنىكتى. سول سەبەپتى ءبىز سەرىكتەستەرىمىزبەن بىرگە وڭالتۋ ديناميكاسىن جوعالتپاۋ ءۇشىن ارنايى جوبانى جۇزەگە اسىرۋدى شەشتىك. ونىڭ الەمدە بىزگە بەلگىلى انالوگتارى جوق. مۇنداي بالالاردىڭ وتباسىلارىنا ۇيگە تەحنيكالىق وڭالتۋ قۇرالدارى بەرىلەتىن بولادى. باسىنان باستاپ بەلگىلى ءبىر قاراجات بەرىلەدى، پروگرەسكە بايلانىستى وڭالتۋ ۋاقىتىن ۇزارتۋعا قول جەتكىزەتىن ادام سانى ەداۋىر ارتادى»، – دەپ ءتۇسىندىردى سپيكەر.



جاڭا جوبانى سىناقتان وتكىزۋ ءۇشىن 4 پيلوتتىق ءوڭىر انىقتالدى: اباي، قىزىلوردا، پاۆلودار وبلىستارى جانە شىمكەنت قالاسى. جوبانىڭ سوماسى - 4،5 ملرد تەڭگە. ول ءساتتى جۇزەگە اسسا، مۇنداي باستاما ەلىمىزدىڭ باسقا وڭىرلەرىندە دە ەنگىزىلەتىن بولادى.


ەستەرىڭىزگە سالا كەتەيىك، بۇعان دەيىن «قازاقستان حالقىنا» قق قايىرىمدىلىق باعدارلامالارى مەن جوبالارىن ىسكە اسىرۋ تۋرالى» ەسەبىن جاريالاعان بولاتىن.