قوماقتى قاراجات اۋدارعان ورتا كاسىپورىندار دا بارشىلىق.
«قازاقستان حالقىنا» قوعامدىق قورىنا ءۇش ايدا 126 ملرد تەڭگە قارجى ءتۇستى. بۇل تۋرالى اتالعان قوردىڭ ءتوراعاسى بولات جامىشيەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىدتەمە جاساپ.
«126 ملرد تەڭگە ءتۇستى، ونىڭ نەگىزگى بولىگى ءىرى تولەمشىلەردەن بولدى. سونىمەن قاتار، قوماقتى قاراجات اۋدارعان ورتا كاسىپورىندار دا بارشىلىق. بىزدىڭشە، وسى كاسىپورىندار بيىلعا ارنالعان جوسپارلارىن ورىنداپ شىقتى»، - دەدى ب. جامىشيەۆ ورتالىق كوممۋنيكاسيالار قىزمەتىندە.
سونىمەن قاتار ول جەكە ادامدار دا ءوز قاراجاتىن باعىتتاپ جاتقانىن اتاپ ءوتتى.
«قازىرگى كەزدە قور قاراجاتىن تولىقتىرۋعا قاتىستى باسقا باعىتتاردان كەلىپ جاتىر. ياعني، قاراجات شاعىن سومادا جەكە ادامداردان جىبەرىلىپ وتىر. ولار Kaspi.kz ارقىلى مۇمكىندىگىنشە اقشا بولگەنىن كورىپ جاتىرمىز»، - دەدى بولات جامىشيەۆ.
بۇدان بۇرىن حابارلانعانداي، قاڭتار وقيعاسىندا قازا بولعان 13 ادامنىڭ تۋىستارىنا قوردان قاراجات اۋدارىلماق.
«بۇگىندە قازا تاپقان 19 جانە اۋىر جارالانعان 106 ىشكى ىستەر مينيسترلىگى، ۇلتتىق قاۋىپسىزدىك كوميتەتى قىزمەتكەرلەرىنىڭ وتباسى مۇشەلەرىنە جانە قورعانىس مينيسترلىگى مەن رەسپۋبليكالىق ۇلاننىڭ اسكەري قىزمەتشىلەرىنە ماتەريالدىق كومەك كورسەتىلدى. جالپى سوما 451 ملن تەڭگەنى قۇرادى»، - دەدى ل. شىڭعىسبايەۆا.
سونداي-اق ول قاڭتار وقيعاسىندا جازاتايىم قازا بولعانداردىڭ تۋىستارىنا قاراجات بولىنگەنىن ايتتى.