قاراعاندى جانە پاۆلودار وبلىستارىنىڭ دەنساۋلىق ساقتاۋ باسقارمالارىنا پرەپاراتتى جەتكىزۋ بويىنشا شارتتار جاسالدى
سيرەك كەزدەسەتىن نەيروفيبروماتوز دياگنوزى قويىلعان قاراعاندى جانە پاۆلودار وبلىستارىنداعى ەكى ناۋقاسقا اسا قىمبات "سەلۋمەتينيب" (كوسەلۋگو) ءدارىسى ساتىپ الىندى. "قازاقستان حالقىنا" قورى بۇل ءدارىنىڭ 36 قاپتاماسىنا 220 ملن 644 مىڭ تەڭگە جۇمسادى، دەپ حابارلايدى Almaty-akshamy.kz.
"دەنساۋلىق ساقتاۋ باسقارمالارىنان قاجەتتى قۇجاتتار جينالعاننان كەيىن، وسى وتىنىمدەردى ورفاندىق اۋرۋلار جونىندەگى ساراپشىلىق كوميتەتى قاراپ، ونى قور باسقارماسى بەكىتكەننەن كەيىن ءدارىنى ساتىپ الۋ بويىنشا جۇمىستار باستالدى. قور دارى-دارمەك ءوندىرۋشىسى ەۋروپالىق AstraZeneca كومپانياسىنا جۇگىندى، ولار دارى-دارمەكتىڭ ەكى جەتكىزۋشىسىن ۇسىندى"، - دەلىنگەن قوردىڭ باسپا ءسوز قىزمەتى تاراتقان حابارلامادا.
جەتكىزۋ جانە قارجىلاندىرۋ شارتتارى بويىنشا ءبىرقاتار كەلىسسوزدەردەن كەيىن، سونداي-اق كەلىسۋ راسىمدەرى اياقتالعاننان كەيىن 2023 جىلعى 31 ناۋرىزعا دەيىن قاراعاندى جانە پاۆلودار وبلىستارىنىڭ دەنساۋلىق ساقتاۋ باسقارمالارىنا پرەپاراتتى جەتكىزۋ بويىنشا شارتتار جاسالدى. سەبەبى، ورفاندىق قۇرالدار الدىن-الا جىبەرىلگەن وتىنىمدەر بويىنشا عانا قاتاڭ تۇردە شىعارىلادى. دارى-دارمەكتى جەتكىزۋشى بەلگىلى ءبىر كولەمدى الدىن الا ساقتاپ قويعان سوڭ، ءدارى ايماقتارعا وسى جىلدىڭ قاڭتار ايىنىڭ ورتاسىندا جەتكىزىلدى.
"سەلۋمەتينيب" ءدارىسى 1 ءتيپتى نەيروفيبروماتوزى بار 3 جاستان اسقان بالالارداعى سيمپتوماتيكالىق، وتا جاساۋعا كەلمەيتىن پلەكسيفورمدى نەيروفيبرومالاردى ەمدەۋ ءۇشىن مونوتەراپيا رەتىندە قولدانىلادى. نەيروفيبروماتوز – تەرىدە، جۇمساق تىندەردە، جۇيكە جۇيەسىندە جانە ىشكى اعزالاردا قاتەرسىز ىسىكتەردىڭ پايدا بولۋىمەن سيپاتتالاتىن تۇقىم قۋالايتىن اۋرۋ.
"10 جاسار ۆالەريي دەمين – "سەلۋمەتينيب" يننوۆاسيالىق ءدارىنى العان بالالاردىڭ ءبىرى. ول قاراعاندى وبلىسى وساكاروۆ اۋدانى باتپاقتى اۋىلىندا تۇرادى. دياگنوز 3،5 جىل بۇرىن ۆالەريي ءبىرىنشى سىنىپقا بارعان كەزدە انىقتالدى. ۆالەريي تابلەتكالاردى ءبىر اي بۇرىن قابىلداي باستادى. جاعدايى جاقسارىپ، تولىق ساۋىعىپ شىعۋىنا جانۇياسى ءۇمىتتى بولىپ وتىر. ۆالەريي – وتە مەيىرىمدى جانە سەزىمتال بالا، جانۋارلاردى جاقسى كورەدى جانە بولاشاقتا ۆەتەرينار بولعىسى كەلەدى"، - دەلىنگەن حابارلامادا.
ەستەرىڭىزگە سالا كەتەيىك، "قازاقستان حالقىنا" قوعامدىق قورى وتكەن جىلدان باستاپ اۋىر جانە سيرەك سىرقاتى بار 131 ەمدەلۋشىگە (ونىڭ ىشىندە 100 بالا) 15،5 ميلليارد تەڭگەدەن استام سوماعا دارى-دارمەك ساتىپ الدى.