قور الەۋەتى ۇلعايىپ كەلەدى
«قازاقستان حالقىنا» قورى قازاقستاندىقتارعا كورسەتكەن قولداۋى ءۇشىن العىس ءبىلدىردى، دەپ حابارلايدى Almaty-akshamy.kz
«قازاقستان حالقىنا» قوعامدىق قورى مەملەكەت باسشىسى قاسىم-جومارت توقايەۆتىڭ دەنساۋلىق ساقتاۋ، ءبىلىم بەرۋ، الەۋمەتتىك سالا، مادەنيەت جانە سپورت سالالارىنداعى ناقتى ماسەلەلەردى شەشۋ جونىندەگى باستاماسىن قولداعان بارلىق قازاقستاندىقتارعا، ءىرى كاسىپورىندارعا، ەڭبەك ۇجىمدارىنا العىس بىلدىرەدى. 17 قاڭتار كۇنى تاڭەرتەڭ قوعامدىق قورعا 6 519 قازاقستاندىقتان 10.1 ملن تەڭگە ءتۇستى.
«قازاقستان حالقىنا» قورى ارقىلى قايىرىمدىلىققا «Kaspibank» اق جانە ونىڭ قۇرىلتايشىلارى ۆياچەسلاۆ كيم مەن ميحايل لومتادزە – 10 ملرد. تەڭگە، «حالىق» قايىرىمدىلىق قورى» جق - 2 ملرد تەڭگە، «ستەپنوگورسك تاۋ-كەن حيميا كومبيناتى» ج ش س - 350 ملن تەڭگە جانە باسقا دا زاڭدى تۇلعالار ەلەۋلى ۇلەس قوستى. جالپى، زاڭدى تۇلعالاردان 12.36 ملرد تەڭگە ءتۇستى.
قازاقستان رەسپۋبليكاسىنىڭ پرەمەر-مينيسترى ا.ءا. سمايىلوۆقا جانە ق ر پرەمەر-مينيسترى كەڭسەسىنىڭ، ق ر پرەزيدەنتى اكىمشىلىگىنىڭ جانە باسقا دا مەملەكەتتىك جانە جەكە ۇيىمداردىڭ قىزمەتكەرلەرىنە ءبىر كۇندىك جالاقىنى اۋدارۋ ارقىلى قورعا قولداۋ كورسەتكەنى ءۇشىن العىس بىلدىرەمىز. قور باسشىلىعى الىنعان بارلىق قارجى قاراجاتىنىڭ تولىق اشىقتىعى مەن ەسەپتىلىگى قامتاماسىز ەتىلەتىنىن مالىمدەيدى.
اقشا قازاقستان حالقىنىڭ يگىلىگىنە، دەنساۋلىق ساقتاۋ، الەۋمەتتىك سالا، ءبىلىم بەرۋ، مادەنيەت جانە سپورت پروبلەمالارىن شەشۋگە باعىتتالاتىن بولادى.
قور ورفاندىق جانە باسقا دا اۋرۋلارى بار، حالىقتىڭ الەۋمەتتىك وسال توپتارىنا مۇقتاج بالالارعا، قازا تاپقان اسكەري قىزمەتكەرلەردىڭ، قۇقىق قورعاۋ جانە ارنايى ورگاندار قىزمەتكەرلەرىنىڭ وتباسىلارىنا، سونداي-اق باسقا دا قايىرىمدىلىق ماقساتتارعا قولداۋ كورسەتەدى.
بيزنەس-قوعامداستىق وكىلدەرى، مەسەناتتار جانە جاناشىر ازاماتتار «قازاقستان حالقىنا» قورىنىڭ شوتىنا كەلەسى دەرەكتەمەلەردىڭ ءبىرى بويىنشا قاراجات اۋدارا الادى:
- «قازاقستان حالقىنا» قوعامدىق قورى، جسن/بسن: 220140006999، كبە 18، KZ97601A871001692501 KZT، «قازاقستان حالىق بانكى» اق؛
- «قازاقستان حالقىنا» قوعامدىق قورى، جسن/بسن: 220140006999، كبە 18، KZ52722S000011856768 KZT، «Kaspi Bank» اق.