ەلىمىزدە قالا مەن اۋىل اراسىنداعى الشاقتىقتى قىسقارتۋعا قاتىستى جۇمىس جۇرگىزىلۋدە.
ونىڭ ايتۋىنشا، بۇل جوباعا قونايەۆ قالاسى، ىلە، ەڭبەكشىقازاق، تالعار، قاراساي اۋداندارىنىڭ ءبىلىم وردالارى قاتىستى.
«وسى جوبانىڭ جالعاسى رەتىندە ءبىلىم بەرۋ سالاسىندا «قازاقستان حالقىنا» قورىنىڭ ارنايى قولداۋىمەن وسى مەكتەپتەردە فيزيكا، حيميا، بيولوگيا كابينەتتەرى بيل ستاندارتتارىنا ساي جابدىقتالدى. جوبانى ءتيىمدى ىسكە اسىرۋ ءۇشىن «Jelken Foundation» قوعامدىق قورىنىڭ كومانداسى جابدىقتالاتىن كابينەتتەردىڭ ينۆەنتاريزاسياسىن جۇرگىزىپ، ۇسىنىستار ازىرلەدى. بارلىق كابينەتتە جايلى ءارى ەرگونوميالىق جيھازدار، سەنسورلىق ينتەراكتيۆتى تاقتالار مەن الەمدىك برەند Pasco سيفرلىق داچيكتەر ورناتىلدى»، – دەدى سپيكەر.
150 مەكتەپتىڭ كابينەتتەرى جابدىقتالدى. اتاپ ايتساق، 111 كابينەت جاڭادان تولىقتاي جابدىقتالدى. 39 كابينەت قاجەتىنە ساي جابدىقتالدى. 25 مىڭعا جۋىق مەكتەپ وقۋشىلارى جاڭا كابينەتتەردە ساباقتارىن جالعاستىرادى.
«Jelken Foundation» قورى وسى جوبانىڭ وپەراتورى رەتىندە «قازاقستان حالقىنا» قورىنىڭ جەتەكشىلىگىمەن مەكتەپتەردى ساپالى جانە ۋاقىتىلى جابدىقتاۋدى قوسا العاندا بۇل جوبانىڭ بارلىق پروسەسىن جۇزەگە اسىردى. «قازاقستان حالقىنا» قوعامدىق قورىمەن بىرگە اتقارىلىپ جاتقان جۇمىس ءارى قاراي دا جالعاسىن تابادى. جابدىقتالعان كابينەتتەردە مەنتورلارمەن بىرلەسىپ، پراكتيكالىق جۇمىستار جاسالادى. مۇنداي جوبالار ەلدە ءبىلىم سالاسىنىڭ دامۋىنا ۇلەس قوسۋدا. ول – پەداگوگتەر مەن وقۋشىلارعا قۇيىلعان ينۆەستيسيا.