قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسى باستالدى.
اسسامبلەيانىڭ بۇل جولعى جيىنى «ەل بىرلىگى – جاڭارعان قازاقستاننىڭ تىرەگى» كۇن تارتىبىمەن وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قوعامدىق كەلىسىم» رمم ديرەكتورى عالىمجان ءقۇسمانعاليدىڭ ايتۋىنشا، سەسسيا ەكى كۇنگە جوسپارلانعان بولاتىن.
«ءبىرىنشى كۇنى ءۇش سەكسيادا پىكىرتالاستار وتەدى – «ۇلت كەلەشەگى جانە قحا-نى جاڭعىرتۋ، «حالىق بىرلىگى؛ ءبىلىمنىڭ، مادەنيەتتىڭ جانە ازاماتتىق قوعام مەن بۇقارالىق مەديا ينستيتۋتتارىنىڭ ءرولى» جانە ءۇشىنشى سەكسيانىڭ تاقىرىبى: «قازاقستان حالقى اسسامبلەياسىنىڭ جاستار سەسسياسى» تاقىرىپتارى تالقىلانادى. ەكىنشى كۇنى قحا سەسسياسى پرەزيدەنت قاسىم-جومارت توقايەۆتىڭ توراعالىعىمەن وتەدى»، - دەدى ول.
بۇعان دەيىن جازعانىمىزداي، كەشە ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ توراعالىعىمەن ۆەدومستۆو وتىرىسى ءوتتى. وندا ق ر پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا سايلاۋ ءۇشىن قازاقستان حالقى اسسامبلەياسىنان ۇسىنىلعان كانديداتتاردى تىركەۋ ماسەلەسى قارالدى. داۋىس بەرۋ بيىلعى 28 ساۋىرگە تاعايىندالعان.