قازاقستاننىڭ تاۋەلسىزدىك جىلدارىنداعى ەلدەگى ەتنوسارالىق، قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ سالاسىنداعى ماڭىزدى جەتىستىكتەرى تالقىلاندى.
ق ر كونستيتۋسياسى كۇنىنە ارنالعان «تاۋەلسىزدىكتىڭ 30 جىلدىعى – بىرلىكتىڭ، بەيبىتشىلىك پەن كەلىسىمنىڭ 30 جىلدىعى» تاقىرىبىندا وتكەن دوڭگەلەك ۇستەل بارىسىندا قازاقستان حالقى اسسامبلەياسىنىڭ مۇشەلەرى مەملەكەتتىك ءتىلدى بىلۋگە قاتىستى وتە كىنامشىل سۇراقتى قوزعادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قازاقستان حالقى اسسامبلەياسىنىڭ مۇشەلەرى مەملەكەتتىك ءتىلدى بىلۋگە قاتىستى ماسەلە كوپ ۇلتتى رەسپۋبليكا تۇرعىندارى اراسىنداعى الاۋىزدىق تۋدىرماۋى ءتيىس دەگەن ورتاق پايىمعا كەلدى.
«ورىس حالقىنىڭ وكىلى رەتىندە ەكى حالىقتىڭ، قازاق پەن ورىستىڭ تاعدىرى تاريحي تۇرعىدا باياعىدان-اق ورىلگەندىگىن ايتا الامىن. ونداعان جىل بويى ءبىزدىڭ تاعدىرىمىز، ءومىرىمىز، مادەنيەتىمىز بىر-بىرىمەن بىرىگىپ كەتتى. سوندىقتان قازاقستاندا ورىستار ناشار تۇرادى نەمەسە ولار قىسىم كورىپ جاتىر دەۋ – بۇل دالەلدەنبەگەن، داۋرىقپا ءسوز»، - دەدى ناتاليا دەمەنتيەۆا.
ايتا كەتەيىك، ءىس-شاراعا ءماجىلىس دەپۋتاتتارى، قازاقستان حالقى اسسامبلەياسى ساراپتامالىق كەڭەسىنىڭ مۇشەلەرى، زيالى قاۋىم مەن ەتنومادەني بىرلەستىكتەردىڭ وكىلدەرى قاتىستى. ولار ازاماتتاردىڭ قۇقىقتارى مەن بوستاندىقتارى، اتا زاڭنىڭ نورمالارىمەن بەكىتىلگەن تەڭدىك، بىرلىك، زاڭ ۇستەمدىگى قاعيداتتارى تۋرالى ماسەلەلەردى قوزعادى.