بۇل تۋرالى رومان سكليار XII سانكت-پەتەربۋرگ حالىقارالىق گاز فورۋمىندا ايتتى.
قازاقستان 2024 جىلى رەسەيلىك “گازپروم” كومپانياسىمەن 15 جىلعا ارنالعان شارتقا قول قويۋدى جوسپارلاپ وتىر، دەپ حابارلايدى Almaty-akshamy.kz
سكلياردىڭ سوزىنشە، فورۋم بارىسىندا كەلەسى جىلى “15 جىلعا ارنالعان” ناقتى شارتتار جاساسۋ مەرزىمدەرى ايقىندالاتىن نەگىزدەمەلىك كەلىسىمگە قول قويۋ جوسپارلانىپ وتىر.
“بۇل نەگىزدەمەلىك كەلىسىم. وندا 2024 جىلدىڭ ورتاسىندا 15 جىلدىق پەرسپەكتيۆادا ناقتى شارتتارعا قول قويۋ مەرزىمدەرىن انىقتالاتىن بولادى. بىزگە دە، رەسەي فەدەراسياسىنا دا بۇل ماسەلەدە تۇراقتىلىق قاجەت. ءبىز قانداي دا ءبىر ماڭىزدى كەلىسىمدەرسىز گازدى پايدالاناتىن جاڭا ەنەرگيا قۋاتىن دامىتىپ، ونەركاسىپتىك كاسىپورىنداردى سالا المايمىز”، - دەپ ءتۇسىندىردى رومان سكليار.
بۇدان بولەك ول “ورتا ازيا-ورتالىق” گاز قۇبىرىنىڭ مۇمكىندىكتەرىن ارتتىرۋ نيەتى تۋرالى دا حابارلادى.
“ءبىز “ورتا ازيا-ورتالىق” گاز قۇبىرىنىڭ مۇمكىندىكتەرىن ارتتىراتىن بولامىز. قازاقستان ارقىلى ءترانزيتتى ودان ءارى دامىتۋ جانە رەسەيلىك گازدى باسقا نارىقتارعا ودان ءارى ەكسپورتتاۋ جوسپارى بار”، - دەدى رومان سكليار.