ەلدە ينتەرنەتتى پايدالانۋ دەڭگەيى وتە جوعارى
الەمدەگى باسپا، حابار تاراتۋ جانە ونلاين-باق ەركىندىگىن باعالايتىن Freedom House حالىقارالىق ۇكىمەتتىك ەمەس ۇيىمنىڭ رەيتينگىسىندە قازاقستان 52-ورىندا تۇر، دەپ حابارلايدى Almaty-akshamy.kz Elorda.info-عا سىلتەمە جاساپ.
وسىلايشا، ەلىمىز "ينتەرنەتى تاۋەلسىز ەمەس" دەگەن مارتەبە يە بولدى. رەيتينگ الەمنىڭ ءارتۇرلى ەلىندە ينتەرنەتتىڭ قانشالىقتى تاۋەلسىز (سەنزۋرادان) ەكەنىن جانە مەملەكەت ەلدەگى ينتەرنەت جۇمىسىنا قانشالىقتى ارالاساتىنىن كورسەتەدى.
تىزىمدە قازاقستاننىڭ كورسەتكىشى تمد-نىڭ كوپتەگەن ەلىنەن (بۇرىنعى قاتىسۋشىلاردى قوسقاندا) تومەن. مىسالى، گرۋزيا "تاۋەلسىز ينتەرنەت" مارتەبەسى بار ۇزدىك 10 ەلدىڭ قاتارىنا ەندى، ۋكراينا 26-ورىندا، قىرعىزستان 37-ورىندى يەلەنىپ، "ينتەرنەتى جارتىلاي تاۋەلسىز" دەگەن مارتەبە الدى. رەيتينگتە قازاقستان كەنيا، گانا، انگولا، ەكۆادور، زامبيا، مالاۆي، ليۆان، ليۆيا جانە باسقا دا كوپتەگەن دامۋشى ەلدەن تومەن تۇر. مۇنداي جاعداي قازاقستاننىڭ بەدەلىنە كەرى اسەرىن تيگىزەدى (حالىقارالىق دەڭگەيدە جانە قازاقستاندىقتار اراسىندا).
ايتا كەتەيىك، بيىل قاڭتاردىڭ باسىندا ەلىمىزدە ينتەرنەتتىڭ وشۋىنە بايلانىستى كوپتەگەن كومپانيا جۇمىسىن توقتاتقان ەدى. سونداي-اق تۇرعىندار قولما-قول اقشاسىز تولەمدەردى جۇزەگە اسىرا الماي قينالدى. 2021 جىلعى جەلتوقساننىڭ باسىندا قازاقستاندا ينتەرنەتتى پايدالاناتىن 16،5 ملن ۇيالى بايلانىس ابونەنتى تىركەلگەن. ەلدە ينتەرنەتتى پايدالانۋ دەڭگەيى وتە جوعارى.