پرەزيدەنت چەمپيونعا جەڭىستەن جەڭىسكە جەتە بەرۋىنە تىلەكتەستىك ءبىلدىردى.
قاسىم-جومارت توقايەۆ شاحماتتان الەم چەمپيونى ءبيبىسارا اساۋبايەۆانى قابىلدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
پرەزيدەنت ۆارشاۆادا وتكەن الەم چەمپيوناتىندا شاحماتتىڭ «بليس» تۇرىنەن التىن جانە «راپيد» بويىنشا كۇمىس مەدال يەلەنگەن جاس شاحماتشىنى جارقىن جەڭىسىمەن قۇتتىقتادى.
ءبيبىسارا اساۋبايەۆا قاسىم-جومارت توقايەۆقا قولداۋ كورسەتكەنى ءۇشىن العىس ايتىپ، سپورتتاعى مانسابىنا قاتىستى الداعى جوسپارىمەن ءبولىستى.
مەملەكەت باسشىسى ءبيبىسارا اساۋبايەۆانىڭ الەمدىك شاحمات ارەناسىندا قازاقستاننىڭ نامىسىن كەلەشەكتە دە لايىقتى قورعاي بەرەتىنىنە سەنىمدى ەكەنىن اتاپ ءوتىپ، جەڭىستەن جەڭىسكە جەتە بەرۋىنە تىلەكتەستىك ءبىلدىردى.
