قازاقستان فۋتبول فەدەراسياسىنىڭ جاڭا باسشىسى سايلاندى، دەپ حابارلايدى Almaty-akshamy.kz
ەلوردادا قازاقستان فۋتبول فەدەراسياسىنىڭ كەزەكتى جيىنى ءوتتى. اتالعان شارادا فەدەراسيانىڭ جاڭا باسشىسى سايلاندى.
وڭىرلىك فۋتبول فەدەراسيالارىنىڭ داۋىس بەرۋى ناتيجەسىندە پرەزيدەنت بولىپ ادىلەت بارمەنقۇلوۆ سايلاندى.
«فۋتبولدىڭ دامۋىنا مەملەكەت تاراپىنان دا، قوعام تاراپىنان دا قىزىعۋشىلىق بولۋى قاجەت. ءبىزدىڭ مىندەت - مەملەكەت پەن قوعام اراسىندا تىعىز بايلانىس ورناتۋ. فۋتبول ۇلتتىق جوباعا اينالۋى كەرەك. ول ءۇشىن ستراتەگيالىق قۇجات ازىرلەۋىمىز قاجەت. ول قۇجاتتا فۋتبولدى دامىتۋدىڭ مىندەتى مەن داتاسى ناقتى كورسەتىلەدى. مينيسترمەن كەزدەسىپ، ناقتى جوسپارىمىزدى ۇسىنامىز»، - دەدى ادىلەت بارمەنقۇلوۆ ب ا ق وكىلدەرىنە ارنالعان بريفينگتە.