قازاقستان فرانسيانىڭ ورتالىق ازياداعى باستى ەكونوميكالىق سەرىكتەسى.
بيىل قازاقستان مەن فرانسيانىڭ اراسىنداعى ستراتەگيالىق ارىپتەستىكتىڭ قۇرىلعانىنا 15 جىل تولدى، دەپ حابارلايدى Almaty-akshamy.kz
ەكى مەملەكەتتىڭ ءوزارا ىنتىماقتاستىعىنىڭ قارقىنى تاراپتاردىڭ جەمىستى قارىم-قاتىناستى ودان ارى دامىتۋعا مۇددەلى ەكەنىن بايقاتىپ وتىر.
ءوز كەزەگىندە اتالعان ەۋروپالىق مەملەكەت ەلىمىزدىڭ ۇلتتىق ەكونوميكاسىنا ينۆەستيسيا سالىپ كەلە جاتقان جەتەكشى ينۆەستورلاردىڭ قاتارىندا. ءقازىر كولىك سەكتورىندا، ونىڭ ىشىندە تەمىرجول كولىگى جانە اۆتوتاسىمال سالاسىندا، سونداي-اق ازاماتتىق اۆياسيا جانە ونەركاسىپ باعىتىندا ەكىجاقتى ءتيىمدى بايلانىس جولعا قويىلعان.
ماسەلەن، تەمىرجول كولىگى سالاسىنداعى ارىپتەستىككە كەلسەك، بىلتىر ەكىجاقتى ەكسپورت-يمپورتتىڭ كولەمى 1،5 مىڭ تونناعا جەتتى. 2022 جىلدىڭ قورىتىندىسى بويىنشا فرانسيادان ق ر اۋماعى ارقىلى جۇكتەردىڭ ءترانزيتتى تاسىمالى 4028،7 توننا كولەمىندە بايقالدى. بۇل 2021 جىلمەن سالىستىرعاندا 3 ەسەگەكوپ. تاسىمالداناتىن نەگىزگى جۇكتەردىڭ اراسىندا ماشينالار، قۇرال-جابدىقتار، قارا جانە ءتۇستى مەتالدار، دايىن تاماق ونىمدەرى جانە ت.ب. بار.
ءقازىر قازاقستاندا فرانسيالىق كاپيتالدىڭ قاتىسۋىمەن 170-تەن استام كومپانيا جۇمىس ىستەپ كەلەدى. ولار ۋراننان باستاپ عارىش ونەركاسىبىنە دەيىن ءتۇرلى سالالاردا قىزمەت كورسەتىپ جاتىر. بۇل ءوز كەزەگىندە وتاندىق ەكونوميكانى ءارتاراپتاندىرۋعا وڭ ىقپال ەتىپ كەلەدى.
ازاماتتىق اۆياسيا باعىتىنداعى قارىم-قاتىناسقا توقتالساق، اتالعان ەلدەردىڭ اۆياسيالىق بيلىكتەرى ءوزارا تۇسىنىستىك تۋرالى مەموراندۋمعا قول قويىپ، ونىڭ اياسىندا ەكى جاقتان بەلگىلەنگەن اۆياتاسىمالداۋشىلار اپتاسىنا 3 رەتجيىلىگىمەن مەملەكەتتەر اراسىندا تۇراقتى رەيستەردى ورىنداۋعا قۇقىلى.
تۇتاستاي العاندا، تاراپتاردىڭ ينتەگراسيالىق پروسەستەردى كۇشەيتۋگە بايلانىستى جوسپارى 2030 جىلعا دەيىنگى قازاقستان – فرانسيا ساۋدا-ەكونوميكالىق ىنتىماقتاستىعىنىڭ جول كارتاسىندا قاراستىرىلعان. بۇل ورايدا بىلتىر قاڭتاردا ءوزارا سەنىمدى ديپلوماتيالىق قاتىناستىڭ 30 جىلدىعى اتاپ وتىلگەنىن ايتا كەتكەن ورىندى. ال بيىل مامىردا وتكىزىلگەن ەكونوميكالىق ماسەلەلەر جونىندەگى قازاقستان – فرانسيا ۇكىمەتارالىق كوميسسياسىنىڭ XV وتىرىسىساۋدا-ەكونوميكالىق قاتىناستارعا تىڭ سەرپىن بەردى.
ۇزاق جىلدان بەرى ناتيجەلى ءارى ءونىمدى بايلانىستى جولعا قويعان ستراتەگيالىق سەرىكتەستەر بۇل باعىتتاعى جۇمىستى ودان ارى نىعايتۋعا مۇددەلى.