بيىل فەستيۆالعا 10 جىل تولدى.
الماتىداعى اباي الاڭىندا ورتالىق ازياداعى ەڭ ءىرى زاماناۋي ەتنيكالىق مۋزىكا فەستيۆالى - تhe Spirit of Tengri ءوتتى، دەپ حابارلايدى Almaty-akshamy.kz
ءىس-شارادا الماتى اكىمى اتىنان قالا اكىمىنىڭ ورىنباسارى اسەم ءنۇسىپوۆا ءسوز سويلەدى.
"ون جىل ىشىندە الماتىنىڭ ەڭ جارقىن حالىقارالىق مادەني جوباسىنىڭ ءبىرى تhe Spirit of Tengri فەستيۆالى مۋزىكا الەمىندە تانىمال برەندكە اينالدى. ول الەمگە الماتىنىڭ بىرەگەيلىگى مەن سان قىرىن، قازاقستاننىڭ دوستىعى مەن قوناقجايلىلىعىن تانىتىپ، مادەنيەت پەن حالىقتى جاقىنداستىرادى"، - دەدى اسەم ءنۇسىپوۆا.
The Spirit Of Tengri ەتنيكالىق مۋزىكا فەستيۆالى جوبانىڭ نەگىزىن قالاۋشى ءارى يدەياسىن ىسكە اسىرۋشى، بەلگىلى مەديامەنەدجەر باتىر قازىبايەۆتى ەسكە الۋعا ارنالعان.
فەستيۆال ساحناسىندا 14 ۇزدىك مۋزىكالىق ۇجىم ونەر كورسەتىپ، الەمنىڭ 12 ەلىنىڭ: قازاقستان، يتاليا، يران، گانا، سەربيا، يسپانيا، ۆەنگريا، تۇركيا، ءۇندىستان، گرۋزيا، قىرعىزستان جانە وزبەكستاننىڭ مادەني داستۇرلەرىن پاش ەتەدى. بارلىق مۋزىكالىق قويىلىم جاندى داۋىسپەن، اسەرلى دەكوراسيامەن، ءتۇرلى-تۇستى لازەرلىك شوۋمەن سۇيەمەلدەنەدى.
اباي الاڭىنىڭ اۋماعىندا فەستيۆال اياسىندا Global Village جارمەڭكەسى ۇيىمداستىرىلدى، قوناقتار قولونەرشىلەردىڭ بىرەگەي بۇيىمدارىن ساتىپ الىپ، الەم حالىقتارىنىڭ ۇلتتىق تاعامدارىنان ءدام تاتا الادى. فەستيۆالدىڭ ەڭ كىشكەنتاي كورەرمەندەرى ءۇشىن ويىن الاڭى جاسالىپ، قازاقتىڭ ۇلتتىق ويىندارىنىڭ سايىستار وتكىزىلەدى.