2060 جىلعا دەيىن كومىرتەگى بەيتاراپتىعىنا قول جەتكىزۋ ستراتەگياسى بەكىتىلگەن
ق ر پرەمەر-مينيسترى ءاليحان سمايىلوۆ پەن ەۋروپالىق قايتا قۇرۋ جانە دامۋ بانكىنىڭ ورتالىق ازيا بويىنشا باسقارۋشى ديرەكتورى جۋجاننا حارگيتاي قازاقستاندا 2023 جىلعا ارنالعان ينۆەستيسيالىق جوبالاردى ىسكە اسىرۋ جونىندەگى جوسپارلاردى تالقىلادى، دەپ حابارلايدى Almaty-akshamy.kz.
تاراپتار بانك سەكتورىن، جاڭا ءوندىرۋشى قۋاتتاردى ەنگىزۋ بولىگىندە ەنەرگەتيكا سالاسىن دامىتۋ، سونداي-اق ينجەنەرلىك ينفراقۇرىلىمدى، سونىڭ ىشىندە كارىز-تازارتۋ قۇرىلىستارىن جاڭعىرتۋ ماسەلەلەرى بويىنشا پىكىر الماستى.
ءاليحان سمايىلوۆ قازاقستان ەقدب-مەن ءوزارا ءىس-قيمىلدىڭ ستراتەگيالىق سيپاتىن جانە بانكتىڭ قۇرىلىمدىق رەفورمالاردى جۇرگىزۋگە قوسقان ۇلەسىن جوعارى باعالايتىنىن اتاپ ءوتتى.
«ۇكىمەت “جاسىل” ەكونوميكا، كولىك جانە لوگيستيكا، جاڭارتىلاتىن ەنەرگيا كوزدەرى مەن جەكە بيزنەستى دامىتۋ سالالارىنداعى جوبالاردى ىسكە اسىرۋ بويىنشا بەلسەندى بىرلەسكەن جۇمىسقا دايىن. ءبىز ەلدىك جانە وڭىرلىك دەڭگەيدە ىنتىماقتاستىعىمىزدى كەڭەيتۋگە نيەتتىمىز»، — دەدى ول.
سونىمەن قاتار پرەمەر-مينيستر ەكونوميكالىق دامۋ شەڭبەرىندە رەسپۋبليكادا دەكاربونيزاسيالاۋعا ەرەكشە نازار اۋدارىلاتىنىن، وسىعان بايلانىستى بيىلعى جىلدىڭ اقپان ايىندا قازاقستان رەسپۋبليكاسىنىڭ 2060 جىلعا دەيىن كومىرتەگى بەيتاراپتىعىنا قول جەتكىزۋ ستراتەگياسى بەكىتىلگەنىن ايتتى.
ءوز كەزەگىندە جۋجاننا حارگيتاي ەقدب-نىڭ بارلىق قولدانىستاعى جانە جوسپارلانعان جوبالار بويىنشا ناقتى ناتيجەلەرگە قول جەتكىزۋدى ماقسات ەتكەنىن راستادى. بۇل رەتتە ول بانكتىڭ ەكونوميكانىڭ باسىم سالالارىندا جاڭا «جاسىل» باستامالاردى پىسىقتاۋدى جانداندىرۋعا دايىن ەكەندىگىن اتاپ ءوتتى.