300-گە جۋىق جوبا ىسكە اسىرىلعان
ق ر پرەمەر-مينيسترى ءاليحان سمايىلوۆ ەۋروپا قايتا قۇرۋ جانە دامۋ بانكىنىڭ ۆيسە-پرەزيدەنتى الان پيۋمەن كەزدەستى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
تاراپتار ەقدب-نىڭ قازاقستانداعى جاڭا ەكونوميكالىق رەفورمالاردى جۇرگىزۋگە قاتىسۋ ماسەلەلەرىن، 2023 جىلعا ارنالعان ينۆەستيسيالار مەن ءوزارا ءىس-قيمىل جوسپارلارىن، سونداي-اق الداعى ۋاقىتتاعى ىنتىماقتاستىقتىڭ باسىم باعىتتارىن تالقىلادى.
ءاليحان سمايىلوۆ 30 جىلدىڭ ىشىندە ەقدب-مەن بىرلەسىپ ەكونوميكانىڭ ءتۇرلى سالالارىندا $10 ملرد-تان استام سوماعا 300-گە جۋىق جوبا ىسكە اسىرىلعانىن اتاپ ءوتتى.
"قازىرگى ۋاقىتتا ۇكىمەت مەملەكەت باسشىسى بەلگىلەگەن ەكونوميكانى ساپالى جاڭعىرتۋعا باعىتتالعان اۋقىمدى رەفورمالار جۇرگىزىپ جاتىر. ناتيجەسىندە ازاماتتارىمىزدىڭ ءال-اۋقاتىنىڭ ايتارلىقتاي ءوسۋى قامتاماسىز ەتىلۋى ءتيىس، سوندىقتان ءبىز ەقدب-نىڭ وسى باعىتقا قاتىسىپ، قولداۋ كورسەتۋىن قولدايمىز"، — دەدى پرەمەر-مينيستر.
ءوز كەزەگىندە الان پيۋ قازاقستاندا قازىرگى جوبالاردى جالعاستىرۋ جانە جاڭا جوبالاردى ىسكە قوسۋ ەقدب باسىمدىقتارىنىڭ ءبىرى بولىپ تابىلاتىنىن اتاپ ءوتتى.
"قازاقستان ەقدب-عا 100% سەنىم ارتا الادى. سونداي-اق ءبىز ەلگە 2060 جىلعا قاراي ەكونوميكانى دەكاربونيزاسيالاۋعا قول جەتكىزۋگە كومەكتەسۋگە مۇددەلىمىز. الماتى جەو-2ء-نى كومىردەن گازعا كوشىرۋدى وسى باعىتتاعى فلاگماندىق جوبا دەپ سانايمىز. بۇل – ءىرى جانە ماڭىزدى جوبا، ءبىز وعان قوماقتى قاراجات سالۋدى جوسپارلاپ وتىرمىز"، — دەدى الان پيۋ.
سونىمەن قاتار ول بانكتىڭ قازاقستاندا جاڭارتىلاتىن ەنەرگيا كوزدەرىن دامىتۋدى جانە باسقا دا ينفراقۇرىلىمدىق جوبالاردى قارجىلاندىرۋدى جالعاستىرۋعا دايىن ەكەنىن مالىمدەدى.
"قازاقستان ۇكىمەتى ءوز تاراپىنان كوپ ءىس اتقارۋدا، سوندىقتان ءبىز الدەقايدا ءىرى جوبالاردى ازىرلەپ، ىسكە اسىرۋعا دايىنبىز"، — دەپ اتاپ ءوتتى الان پيۋ.
كەزدەسۋدى قورىتىندىلاي كەلە، ءاليحان سمايىلوۆ ۇكىمەتتىڭ بانكپەن بارلىق باعىتتار بويىنشا ءوزارا ءتيىمدى ءىس-قيمىلدى ارتتىرۋعا مۇددەلى ەكەنىن ايتتى.