بەس بالا امبۋلاتوريالىق ەمدەلۋگە جىبەرىلدى
وقىس وقيعا شارباقتى اۋدانىنداعى مەكتەپتەردىڭ بىرىندە ورىن العان. وقۋشىلاردىڭ ۋلانعانى تۋرالى اقپارات 9 قىركۇيەكتە پايدا بولدى، دەپ حابارلايدى Almaty-akshamy.kz.
بالالار جۇرەك اينۋ، قۇسۋ، ءىش اۋرۋى جانە دەنە قىزۋىنىڭ كوتەرىلۋى سىندى شاعىمدارعا سايكەس اۋداندىق اۋرۋحاناعا جاتقىزىلدى. بەس بالا امبۋلاتوريالىق ەمدەلۋگە جىبەرىلدى، تورتەۋى وبلىستىق بالالار اۋرۋحاناسىنا جاتقىزىلدى.
سانەپيدەميولوگتاردىڭ ايتۋىنشا، بالالار مەكتەپتە ۋلانعان.
پاۆلودار وبلىسى ءبىلىم بەرۋ باسقارماسىنىڭ باسپا ءسوز قىزمەتى اتالعان وقۋ ورنىنداعى تاماقتانۋ قىزمەتى "ابۋيەۆ" جك-عا جۇكتەلگەنىن ايتادى.
«قازىرگى ۋاقىتتا ەپيدەميولوگيالىق تەكسەرۋ جۇرگىزىلىپ جاتىر. تەكسەرۋ ناتيجەلەرى بويىنشا جاۋاپتى ادامدارعا قاتىستى شارالار قابىلداناتىن بولادى»،-دەدى پاۆلودار وبلىسىنىڭ ءبىلىم باسقارماسى.