بۇگىن دەنساۋلىق ساقتاۋ ءمينيسترى اقمارال ءالنازاروۆا قازاقستاندا قاعاز تۇرىندەگى "ەڭبەككە جارامسىزدىق پاراعىنان" تولىق باس تارتىپ، ولاردى سيفرلىق فورماتقا كوشىرۋ جوسپارلانىپ وتىرعانىن مالىمدەدى، دەپ حابارلايدى aqshamnews.kz
مينيستر بۇل باعىتتا ءتيىستى بۇيرىققا قول قويىلعانىن جانە مەديسينالىق ۇيىمداردا كەزەڭ-كەزەڭىمەن جۇزەگە اسىرۋ باستالعانىن اتاپ ءوتتى.
"سوندىقتان ءاربىر ازامات ءوزىنىڭ "ەڭبەككە جارامسىزدىق پاراعىن" ونلاين تۇردە تالاپ ەتۋگە تولىق قۇقىلى. ءقازىر اينالىمدا ەكى نۇسقا – قاعاز جانە ەلەكتروندىق فورمات بار. ەندى ءبىز بۇل وتپەلى كەزەڭدى اياقتاپ، تولىقتاي ونلاينعا كوشۋىمىز قاجەت. تەك بەلگىلى ءبىر ۋاقىت قاجەت. ءبىراق زاڭ جۇزىندە جانە نورماتيۆتىك تۇرعىدان بارلىق قاجەتتى قۇجاتتار بەكىتىلدى جانە جۇمىس اتقارىلۋدا"، – دەدى اقمارال ءالنازاروۆا.
ول بۇگىندە ەلەكتروندى "ەڭبەككە جارامسىزدىق پاراعىن" الۋ مۇمكىندىگى بار ەكەنىن، سەبەبى بۇل فۋنكسيا مەديسينالىق اقپاراتتىق جۇيەلەردە تولىق ىسكە اسىرىلعانىن باسا ايتتى.