بيىل فەستيۆالگە بىردەن ءۇش جۇلدىزدى حەدلاينەر قاتىسادى.
Comic Con Astana ۇيىمداستىرۋشىلارى ورتالىق ازياداعى ەڭ ءىرى گيك-مادەنيەت فەستيۆالىنە قاتىسۋشىلارىنىڭ ەسىمىن جاريالاۋدى جالعاستىرۋدا، دەپ حابارلايدى aqshamnews.kz.
ەندي سەركيستەن كەيىن حەدلاينەرلەر قاتارىنا ايگىلى امەريكالىق اكتەر ەساي مورالەس قوسىلدى. ول «وزارك» جانە «تيتاندار» سەريالىنداعى رولدەرىمەن، سونداي-اق توم كرۋزبەن بىرگە تۇسكەن «ميسسيا نيەۆىپولنيما» فرانشيزاسىنىڭ سوڭعى ەكى بولىمىندەگى شەبەرلىگىمەن تانىمال.
ەساي مورالەس – كوپقىرلى مانسابىمەن تانىمال گولليۆۋدتىق جۇلدىز. ونىڭ اكتەرلىك جولى 40 جىلدى قامتيدى. ول ۇلكەن ەكراندا 1980-جىلدارى دەبيۋت جاساپ، كۋلتكە اينالعان «لا بامبا» فيلمىندە ريچي ۆالەنستىڭ اعاسىنىڭ ءرولى ارقىلى كەڭ تانىمال بولدى. وسى جىلدار ىشىندە مورالەس ءوزىن دراما جانرىنداعى تەرەڭ رولدەردەن باستاپ دالەلدەپ، حاريزماسى جوعارى زۇلىم كەيىپكەرلەرگە دەيىن سومداي الاتىنىن بايقاتتى. وسىلايشا، سيرەك كەزدەسەتىن دياپازونداعى اكتەر رەتىندە قالىپتاستى. قالىڭ كورەرمەنگە ول Netflix پلاتفورماسىنداعى تانىمال «وزارك» سەريالىنداعى انتاگونيست كامينو دەل ريونىڭ ءرولى ارقىلى دا بەلگىلى. ال DC سۋپەرقاھارماندىق الەمىندە مورالەس «تيتاندار» سەريالىندا سلەيد ۋيلسون (دەفستروۋك) بەينەسىن سومداعان.
سوڭعى جارقىن جوبالارىنىڭ ءبىرى – مورالەس باستى انتاگونيست گابريەل ءرولىن سومداعان «ميسسيا نيەۆىپولنيما» بولدى. ول – يتان حانتتىڭ (توم كرۋز) حاريزماسى جوعارى قارسىلاسى. وسى ءرولى ارقىلى ەساي ۇلكەن ەكرانداعى ەڭ اسەرلى زۇلىم كەيىپكەرلەردىڭ ءبىرى ەكەنىن تاعى ءبىر مارتە كورسەتتى.
اكتەر قاتىسقان باسقا دا جوبالار قاتارىندا مىناداي سەريالدار بار: «وت زاكاتا دو راسسۆەتا»، «كاك يزبەجات ناكازانيا زا ۋبييستۆو»، «كاپريكا»، «يەريحون»، «C.S.I.: مايامي»، «بايكي يز سكلەپا»، «سۋمەرەچنايا زونا»، «زا گرانيۋ ۆوزموجنوگو»، «وگنەننىي سەزون»، «مويا سەميا»، «ناسيا فاستفۋدا» فيلمدەرى، تاعى باسقالارى.
2025 جىلى Comic Con Astana باعدارلاماسىن جانە قوناقتارىنىڭ گەوگرافياسىن كەڭەيتىپ قانا قويماي، ءوز تاريحىندا العاش رەت ءۇش حەدلاينەردى بىردەن جاريالاماق. ءۇشىنشى ءارتىستىڭ ەسىمىن ۇيىمداستىرۋشىلار جاقىن كۇندەرى حابارلايتىن بولادى.
ءىس-شارا بەس كۇنگە سوزىلىپ (9-دان 13 شىلدەگە دەيىن) العاش رەت ەكى ءىرى الاڭدا وتەدى: «استانا-ارەنا» ستاديونى مەن ملد «بارىس-ارەنا».
Cونداي-اق، 2025 جىلعى فەستيۆالدىڭ حەدلاينەرى – بريتانيالىق اكتەر، رەجيسسەر جانە سيفرلىق كەيىپكەرلەردى ەكرانعا شىعارۋ سالاسىنداعى جاڭاشىل ادام ەندي سەركيس. ول – قوزعالىستى ءتۇسىرۋ تەحنولوگيالارىن دامىتۋ ارقىلى كينو يندۋسترياسىندا توڭكەرىس جاساعان تۇلعا. ءارتۇرلى جىلدارى Comic Con Astana حەدلاينەرلەرى رەتىندە الەمدىك يندۋستريانىڭ تانىمال جۇلدىزدارى ونەر كورسەتكەن، ولاردىڭ اراسىندا مادس ميككەلسەن، پيلۋ اسبەك، مايكل رۋكەر، شون گانن، پەرسي حاينس ۋايت جانە باسقالار بار.
فەستيۆال «Astana Tourism» ج ش س ءتۋريزمدى دامىتۋ ورتالىعىنىڭ قولداۋىمەن وتەدى.
فەستيۆال اياسىندا كوپتەگەن تاقىرىپتىق ايماقتار مەن جارقىن سەرىكتەستىك ينتەگراسيالار ۇسىنىلادى. ءاربىر ايماق قوناقتارعا ەرەكشە اسەر مەن ۇمىتىلماس تاجىريبە سىيلاماق.
فەستيۆالگە جىلدام تاماقتانۋ جەلىسى I’M قايتا ورالادى. بيىلعى جىلدىڭ گاسترونوميالىق جاڭالىعى – شىرىندى فرەنچ-دوگ العاش رەت فەستيۆال الاڭىندا ۇسىنىلادى.
Perfetti Van Melle كومپانياسى اتىنان اتى اڭىزعا اينالعان Chupa Chups برەندى قاتىسادى. برەند ايماعىندا قوناقتاردى Chupa Chups ستيلىندەگى اسەرلى ينستاللياسيالار كۇتەدى. ول – قاتىسۋشىلارعا ساپالى ءارى كوركەم فوتولار جاساۋعا تاپتىرماس مۇمكىندىك. بۇعان قوسا ءاربىر ادامدى باقىت پەن بالالىق شاقتىڭ ءدامىن ەسكە تۇسىرەتىن ءتۇرلى سىيلىقتار مەن توسىنسىيلار كۇتەدى.