قازاقستان رەسپۋبليكاسىنىڭ ۋكرايناداعى ەلشىسى تولەجان بارلىبايەۆ ۋكراينا پرەزيدەنتى ۆلاديمير زەلەنسكييگە سەنىم گراموتالارىن تاپسىردى.
بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى aqshamnews.kz.
تاپسىرۋ ءراسىمى يۋنەسكو دۇنيەجۇزىلىك مۇراسى ەسكەرتكىشتەرىنىڭ تىزىمىنە كىرەتىن «كييەۆتىك سوفيا» (1037 ج.) ۇلتتىق قورىقتىڭ اۋماعىندا ءوتتى.
قىسقاشا سۇحبات بارىسىندا ءداستۇرلى دوستىق قازاق-ۋكراينالىق قارىم-قاتىناستاردىڭ جاعدايى مەن بولاشاعى، سونداي-اق ءارتۇرلى سالالارداعى ىسكەرلىك ىنتىماقتاستىق ماسەلەلەرى تالقىلاندى.
