قازاقستان ەل ىشىندە تۇراقتىلىقتى قامتاماسىز ەتۋ بويىنشا ناتيجەلى جۇمىس ىستەۋدە

مۇنى بۇۇ-نىڭ قازاقستانداعى تۇراقتى-ۇيلەستىرۋشىسى ميكاەلا فريبەرگ-ستوري ەلوردادا وتكەن بريفينگتە مالىمدەدى.

ايتۋىنشا، ەلىمىزدە انا ءولىمى ازايعان جانە ۋربانيزاسيا پروسەسى باياۋلاعان. قازىرگى تاڭدا رەسپۋبليكا بويىنشا تۇرعىنداردىڭ جارتىسىنا جۋىعى قالالىق جەردە تۇرادى.

سونىمەن قاتار، ميكاەلا فريبەرگ-ستوري،  قاسىم-جومارت توقايەۆتىڭ سۋ رەسۋرستارىن باسقارۋعا قاتىستى رەفورماسىن جانە ورتالىق ازيا ەلدەرىمەن تىعىز قارىم-قاتىناس ورناتۋداعى باستامالارىنىڭ ماڭىزدىلىعىن اتاپ ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.

«ءبىز قازاقستان ۇكىمەتىنىڭ ەلدى تازا سۋمەن قامتاماسىز ەتۋگە ايرىقشا كوڭىل بولىپ وتىرعانىن اتاپ وتكىمىز كەلەدى. پرەزيدەنت قاسىم-جومارت توقايەۆ حالىققا جولداۋىندا بۇل ترانسشەكارالىق ماڭىزدى ماسەلە دەگەن بولاتىن. ءبىز ءقازىر سۋ رەسۋرستارى بويىنشا جاڭا كودەكس ازىرلەنىپ جاتقانىن جانە مامانداندىرىلعان ارنايى مينيسترلىك قۇرىلعانىنان بىلەمىز. مۇنىڭ بارلىعى تۇراقتى دامۋ ماقساتتارىن ودان ءارى ىسكە اسىرۋعا ەرەكشە سەرپىن بەرەتىنىنە سەنىمدىمىن»، - دەيدى  بۇۇ-نىڭ قازاقستانداعى تۇراقتى ۇيلەستىرۋشىسى  ميكاەلا فريبەرگ-ستوري.