بايقاۋعا 8-14 جاس ارالىعىنداعى بالالار قاتىسا الادى.
ۇلتتىق ارنانىڭ «Qazaqstan داۋىسى. بالالار» مۋزىكالىق مەگاجوباسى كورەرمەنمەن قايتا قاۋىشادى. بۇل – الەمنىڭ 100-دەن استام ەلىندە كورسەتىلگەن ايگىلى «The Voice. Kids» تەلەشوۋىنىڭ قازاقستاندىق نۇسقاسى، دەپ حابارلايدى Almaty-akshamy.kz.
التى ايعا جالعاسقان مۋزىكالىق مەگاجوبانىڭ العاشقى كەزەڭىندە 4 مىڭنان استام بالا ب ا ق سىنادى.
بايقاۋعا 8-14 جاس ارالىعىنداعى بالالار قاتىسا الادى.
جوباعا قاتىسۋ ءۇشىن qazaqstan.tv سايتىنا كىرىپ، ءوتىنىش قالدىرۋ قاجەت. وتىنىمدەر 2023 جىلعى 10 اقپانعا دەيىن قابىلدانادى.
مۋزىكالىق بايقاۋ جالپى ءتورت كەزەڭنەن تۇرادى. «كورمەي تاڭداۋ» كەزەڭىندە تالىمگەرلەر ىرىكتەۋدەن وتكەن قاتىسۋشىلاردى كورمەي، داۋىسىنا باعا بەرۋ ارقىلى تاڭدايدى.
ال ەكىنشى «جەكپە-جەك» كەزەڭىندە ءار تالىمگەر ءوز كومانداسىن تريوعا (ۇشتىككە) بولەدى. بۇل كەزەڭدە قاتىسۋشىلار تريو رەتىندە ءبىر ءاندى ورىندايدى. ورىنداۋ ناتيجەسى بويىنشا تالىمگەر ءۇش قاتىسۋشىنىڭ ىشىنەن شوۋدان كىمنىڭ شىعاتىنىن شەشەدى.
كەلەسى «تىكەلەي ەفير» كەزەڭىندە تالىمگەرلەر توبىندا قالعان قاتىسۋشىلار ارنايى قويىلىم قويىلعان ءبىر ءاندى ورىندايدى. داۋىس بەرۋ ناتيجەسىندە ءار كوماندادان ءبىر نەمەسە بىرنەشە قاتىسۋشى جوبادان شىعادى.
ءۇش تىكەلەي ەفيردىڭ قورىتىندىسى بويىنشا ءار كوماندادان ءبىر قاتىسۋشى فينالعا جولداما الادى. ال شوۋدىڭ فينالىندا ءار قاتىسۋشى جەكە جانە تالىمگەرمەن دۋەت بولىپ ءان شىرقايدى.