دەنساۋلىق ساقتاۋ مينيسترلىگىندە جاپونيانىڭ ناگويا ۋنيۆەرسيتەتىنىڭ پروفەسسورى ەيكو ياماموتومەن كەزدەسۋ بولدى.
وسى كەزدەسۋدە ەكى ەلدىڭ دەنساۋلىق ساقتاۋ سالاسىنداعى ىنتىماقتاستىق ماسەلەسى تالقىلاندى، دەپ حابارلايدى Almaty-akshamy.kz
بۇل ماسەلە بويىنشا دەنساۋلىق ساقتاۋ ءمينيسترى اقمارال ءالنازاروۆا ناگويا ۋنيۆەرسيتەتىنىڭ پروفەسسورى ەيكو ياماموتوعا ءوز ۇسىنىسىن ايتتى. ول مينيسترلىكتىڭ جاس دارىگەرلەر مەن دەنساۋلىق ساقتاۋ مەنەدجەرلەرىن دايىنداۋ ىسىندە جاپون ماماندارىمەن ارىپتەستىكتى نىعايتۋعا دايىن ەكەنىن ايتتى.
«ءبىز جاپونيامەن جانە كۇنشىعىس ەلىنىڭ قازاقستانداعى ەلشىلىگىمەن بۇرىننان كەلە جاتقان دوستىق قارىم-قاتىناستى ەسكەرە وتىرىپ، ءسىزدىڭ تاجىريبەڭىز بەن ءبىلىمىڭىزدى پايدالانعىمىز كەلەدى. جاس دارىگەرلەر مەن دەنساۋلىق ساقتاۋ مەنەدجەرلەرىن دايارلاۋ ىسىندە ارىپتەستىكتىڭ جاڭا دەڭگەيىنە شىعۋعا دايىنبىز»، – دەدى مينيستر.
پروفەسسور ەيكو ياماموتو دەنساۋلىق ساقتاۋدىڭ جاس كوشباسشىلارى باعدارلاماسىنىڭ شەڭبەرىندە ءبىر جىلدىق وقۋ باعدارلاماسى تۋرالى ايتتى.
«بۇل باعدارلاما ازيا ەلدەرى مينيسترلىگىنىڭ قىزمەتشىلەرىنە، سونىڭ ىشىندە قازاقستانعا ارنالعان ماگيستراتۋرا ماماندىعىنا ارنالعان. ول 20 جىلدان استام ۋاقىت بويى جۇمىس ىستەپ كەلەدى. باعدارلاما قوعامدىق دەنساۋلىققا باعىتتالعان. تەك وقىتۋ سەگمەنتى عانا ەمەس، سونىمەن قاتار جاپونيانىڭ دەنساۋلىق ساقتاۋ جۇيەسىنىڭ قالاي جۇمىس ىستەيتىنىن جانە پارمەندىلىگىن كورۋ ءۇشىن اۋرۋحانالارعا، گوسپيتالدارعا، ءدارىحانالارعا جانە باسقا دا مەديسينالىق ۇيىمدارعا بارۋ سەگمەنتى دە بار»، – دەدى ياماموتو.