دۋمان اۋباكىروۆتىڭ ورنىنا مارات ەلىبايەۆ كەلدى.
قازاقستان دامۋ بانكىنىڭ باسپا ءسوز قىزمەتى بانك باسقارماسىنىڭ قۇرامى وزگەرگەنىن جەتكىزدى، دەپ حابارلايدى Almaty-akshamy.kz.
«2022 جىلعى 25 اقپانداعى «قازاقستاننىڭ دامۋ بانكى» اق ديرەكتورلار كەڭەسىنىڭ شەشىمىمەن مارات ەلىبايەۆ باسقارما ءتوراعاسىنىڭ ورىنباسارى - قدب باسقارماسىنىڭ مۇشەسى بولىپ تاعايىندالدى. ول الەۋەتتى قارىز الۋشىلاردى ىزدەۋ جانە تارتۋ، دامۋ بانكىنىڭ كرەديتتىك ساياساتىن جۇزەگە اسىرۋ، سونداي-اق بانكتىڭ كرەديتتىك پورتفەلىن باسقارۋ ماسەلەلەرىنە جەتەكشىلىك ەتەتىن بولادى»،- دەلىنگەن قازاقستان دامۋ بانكىنىڭ باسپا ءسوز قىزمەتىنىڭ حابارلاماسىندا.
مارات ەلىبايەۆ 1984 جىلى 2 ماۋسىمدا دۇنيەگە كەلگەن. 2005 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن «قارجى جانە بۋحگالتەرلىك ەسەپ» ماماندىعى بويىنشا ۇزدىك بىتىرگەن. 2004 جىلى حالىقارالىق بيزنەس اكادەمياسىندا وقىدى، ماماندانۋى – MBA باعدارلاماسىنىڭ باسقارۋ ءمودۋلى (كاسىبي مەنەدجەر). 2008-2009 جىلدارى «بولاشاق» حالىقارالىق باعدارلاماسى اياسىندا London Business School-دا وقۋ كۋرسىن ءوتتى، وندا ول قارجى (كورپوراتيۆتىك قارجى) ماگيسترى دارەجەسىن الدى. مارات ەلىبايەۆ سونداي-اق جاۋتىكوۆ اتىنداعى رەسپۋبليكالىق مامانداندىرىلعان فيزيكا-ماتەماتيكا مەكتەپ-ينتەرناتىنىڭ تۇلەگى بولىپ تابىلادى.
«مارات ەلىبايەۆ جاڭا قىزمەتىندە وكىلەتتىگى 2022 جىلعى 25 اقپانداعى بانكتىڭ دك شەشىمىمەن مەرزىمىنەن بۇرىن توقتاتىلعان قدب باسقارما ءتوراعاسىنىڭ ورىنباسارى دۋمان اۋباكىروۆتى الماستىرعانىن اتاپ وتەمىز»، - دەلىنگەن باسپا ءسوز قىزمەتىنىڭ حابارلاماسىندا.
ەنگىزىلگەن وزگەرتۋلەردى ەسكەرە وتىرىپ، بانك باسقارماسىنىڭ قۇرامى مىناداي بولىپ بەكىتىلدى:
- يسكاكوۆ رۋسلان ۆيكتوروۆيچ - باسقارما ءتوراعاسى؛
- كەنجەبايەۆا ساندۋعاش ايباس قىزى - باسقارما ءتوراعاسىنىڭ ورىنباسارى؛
- ابىشيەۆا بوتاگوز توقتاعۇل قىزى - باسقارما ءتوراعاسىنىڭ ورىنباسارى؛
- ءشارىپوۆ اسەت بولات ۇلى - باسقارما ءتوراعاسىنىڭ ورىنباسارى.
«قازاقستاننىڭ دامۋ بانكى» اق (قدب) - قازاقستان ەكونوميكاسىنىڭ شيكىزاتتىق ەمەس جانە ينفراقۇرىلىمدىق سەكتورلارىن جاڭعىرتۋ جانە دامىتۋ بويىنشا 2001 جىلى قۇرىلعان ۇلتتىق دامۋ ينستيتۋتى. قىزمەتىنىڭ نەگىزگى باعىتتارى: وندىرىستىك ينفراقۇرىلىمدى جانە وڭدەۋشى ونەركاسىپتى دامىتۋ، ەل ەكونوميكاسىنا سىرتقى جانە ىشكى ينۆەستيسيالاردى تارتۋ جانە قولداۋ كورسەتۋ. قدب - يندۋستريالىق-يننوۆاسيالىق دامۋ مەملەكەتتىك باعدارلاماسىنىڭ ءىرى ينۆەستيسيالىق وپەراتورلارىنىڭ ءبىرى. قدب «بايتەرەك» ۇلتتىق باسقارۋشى حولدينگى» اق قۇرىلىمىنا كىرەدى.