قازاقستاننىڭ بوكس فەدەراسياسى رەسمي تۇردە World Boxingء-تىڭ تولىققاندى مۇشەسى اتاندى، - دەپ حابارلايدى aqshamnews.kz ق ر ۇوك سىلتەمە جاساپ.
بۇل تۋرالى اقش-تىڭ كولورادو-سپرينگس قالاسىندا وتكەن World Boxing حالىقارالىق بوكس فەدەراسياسىنىڭ كونگرەسىندە حابارلاندى.
بۇگىندە World Boxing (WB) ۇيىمىنا 55 ەل كىرىپ وتىر.
كونگرەسس بارىسىندا حوك ماقۇلداعان WB جارعىسىنا ەنگىزىلگەن وزگەرىستەر تۋرالى پىكىرتالاس بولدى.
سونىمەن قاتار جارىس وتكىزۋ رەگلامەنتىنە ەنگىزىلگەن وزگەرىستەر دە قابىلداندى. اتاپ ايتقاندا، تۋرنيرلەر جاڭا سالماق دارەجەلەرىندە وتكىزىلەتىن بولادى. سونداي-اق تورەشىلەردىڭ جەكپە-جەك بارىسىنداعى جانە جەڭىمپازداردى انىقتاۋ كەزىندەگى جۇمىسىنا دا وزگەرىستەر ەنگىزىلدى.
سونداي-اق World Boxing وليمپيادالىق كوميسسياسىنىڭ ءتوراعاسى گەنناديي گولوۆكين كونگرەسس قاتىسۋشىلارىنىڭ الدىندا ءسوز الىپ، U19 جاسوسپىرىمدەر اراسىنداعى العاشقى الەم چەمپيوناتىن جانە كونگرەستى ۇيىمداستىرعانى ءۇشىن US Boxing ۇيىمىنا العىس ءبىلدىردى.
ءوز سوزىندە ول پورتۋگاليادا وتكەن ۇلتتىق وليمپيادا كوميتەتتەرى قاۋىمداستىعىنىڭ (ۇوكق) باس اسسامبلەياسىندا ءارتۇرلى ەلدەردىڭ ۇلتتىق وليمپيادا كوميتەتتەرى جانە وليمپيادا قوزعالىسىنىڭ وزگە دە سپورتتىق ۇيىمدارىمەن كەزدەسۋلەر وتكىزگەن World Boxing وليمپيادالىق كوميسسياسىنىڭ جەتىستىكتەرىن اتاپ ءوتتى.
كونگرەسس بارىسىندا قازاقستاننىڭ بوكس فەدەراسياسى لوس-اندجەلەستەگى وليمپيادا ويىندارىنا ىرىكتەۋ ءتۋرنيرى رەتىندە 2027 جىلعى بوكس بويىنشا الەم چەمپيوناتىن وتكىزۋگە ءوتىنىم بەردى. الەمدىك ۇيىمنىڭ شەشىمى جاقىن ارادا بەلگىلى بولادى.