قتج جەلىسىندەگى تيەۋ 2024 جىلدىڭ قاڭتار ايىندا 20،2 ملن توننانى قۇرادى.
ەل ىشىندە تەمىرجول كولىگىمەن تاسىمالداۋ 2023 جىلدىڭ سايكەس كەزەڭىمەن سالىستىرعاندا 4،7% ارتىپ، 13،2 ملن تونناعا جەتتى. ەكسپورت 7 ملن توننانى قۇرادى، دەپ حابارلايدى Almaty-akshamy.kz «قازاقستان تەمىرجولشىسى» باسىلىمىنا سىلتەمە جاساپ.
قتج-نىڭ نەگىزگى الەۋمەتتىك جۇكتەرى – تاس كومىردى تيەۋ كولەمى – 9 ملن توننانى قۇرادى، ەل ىشىندە 6،5 ملن توننادان استام.
قتج جەلىسىندە ەكىنشى الەۋمەتتىك جۇك – استىقتىڭ 720 توننادان استامى تاسىمالداندى، ونىڭ ىشىندە ەكسپورت - 560 مىڭ توننا.
مۇناي جۇكتەرى 2023 جىلعى قاڭتارعا قاراعاندا 4،8% كوپ تيەلىپ، 1،6 ملن تونناعا جەتتى. ەكسپورت 34،7%، ياعني 490 مىڭ توننادان استامعا ءوستى. ەل بويىنشا قارا مەتال تاسىمالى 33،6% ارتتى. حيميالىق تىڭايتقىشتاردى تيەۋ 10،3% ءوستى. ەكسپورت 71%، 127 مىڭ تونناعا دەيىن كوبەيدى.
سونداي - اق، تەمىر جانە مارگانەس كەندەرىن تيەۋ بويىنشا وڭ ديناميكا بايقالادى – پليۋس 30،7%، 1،5 ملن تونناعا دەيىن، ءتۇستى كەن – پليۋس 22%، 1،9 ملن تونناعا دەيىن. ەسەپتى ايدا قۇرىلىس جۇكتەرىن تيەۋ 687 مىڭ توننانى قۇرادى.