قازاقستان بەتون جول سالۋدان باس تارتۋ تۋرالى شەشىم قابىلدادى.
شەنەۋنىكتەردىڭ نەگە مۇنداي شەشىم قابىلداعانى تۋرالى kolesa.kz پورتالىنا بەرگەن سۇحباتىندا ق ر ييدم اۆتوموبيل جولدارى كوميتەتىنىڭ ءتوراعاسى تولەگەن ابدۋللين ايتىپ بەردى، دەپ حابارلايدى Almaty-akshamy.kz.
سپيكەردىڭ ايتۋىنشا، بەتون توسەمدى كۇتىپ ۇستاۋ، اسفالت جولدى كۇتىپ ۇستاۋدان گورى قىمباتىراق.
"ءبىز ازىرگە بەتون پايدالانۋدان باس تارتۋ تۋرالى شەشىم قابىلدادىق. سەبەبى، ونى پايدالانۋ كەزىندە بەلگىلى ءبىر قيىندىقتار انىقتالدى. ەگەر اسفالتتا اقاۋ پايدا بولسا، ونى تەز ارادا جويۋعا بولادى، ال بەتونمەن جاعداي باسقاشا. ءيا، بەتون توزىمدىرەك. وڭتۇستىك ايماقتارعا ىنعايلى، ءبىراق ەلىمىزدىڭ سولتۇستىگىندە كوپتەگەن قيىندىقتار تۋعىزادى. ەڭ باستىسى، قىستا مۇزبەن كۇرەسۋ. وعان قوسا، بەتون جولداردى كۇتىپ ۇستاۋ قىمباتىراق. بۇعان بولىنگەن قارجى جۇمىستىڭ قۇنىن وتەمەيدى. سوندىقتان ءبىز ءقازىر بۇل ماسەلەنى زەرتتەپ جاتىرمىز، مۇمكىن، مۇنداي جولداردىڭ قۇرىلىسىنا كەيىنىرەك قايتا ورالاتىن شىعارمىز"، - دەدى باسقارما ءتوراعاسى.