قازاقستان بەلگياعا ءتۇستى مەتالل، ءجۇن، توقىما جانە حيميا ونىمدەرىن ەكسپورتتايدى

بەلگيادا قازاقستاندىق زىعىرعا سۇرانىس بار

جىل باسىنان بەرى قازاقستان مەن بەلگيا اراسىنداعى تاۋار اينالىمى 300 ملن دوللاردان استى، دەپ حابارلايدى Almaty-akshamy.kz 

اتالعان مەملەكەتكە ەلىمىز ءتۇستى مەتالل، ءجۇن، توقىما جانە حيميا ونىمدەرىن ەكسپورتتايدى. ال بىزگە بەلگيادان اۆتوموبيلدەر، ەلەكتر جابدىقتارى، وپتيكالىق قۇرىلعىلار، حيميا ونەركاسىبىنىڭ ونىمدەرى مەن تاۋارلارى يمپورتتالادى. ەكى ەلدىڭ بيزنەسمەندەرى زىعىر ەكسپورتى بويىنشا كەلىسىمگە كەلۋگە نيەتتى.

بەلگيا قازاقستاندىق زىعىردىڭ تۇراقتى تۇتىنۋشىسى ەكەنىن ايتا كەتكەن ءجون. بۇرىن ول كورولدىكتە وڭدەلىپ، كەيىن قىتايعا جونەلتىلەتىن ەدى. ەندى تاراپتار زىعىردى قازاقستاندا وڭدەپ، اسپاناستى ەلىنە جەتكىزۋ جايىندا كەلىسپەك.

تاعى ءبىر ايتا كەتەرلىگى، بۇل لوگيستيكا جاعىنان دا قوس ەلگە ءتيىمدى بولماق.

«ءبىز وڭىرلىك ىنتىماقتاستىقتى دامىتۋعا باعىتتالعان بارلىق جوبانى قولدايمىز. ەو ورتالىق ازيا ەلدەرىمەن ىنتىماقتاستىقتى نىعايتۋعا مۇددەلى. 2019 جىلى ەو-نىڭ ورتالىق ازيا بويىنشا جاڭا ستراتەگيالىق باعدارلاماسى قابىلداندى. قۇجاتتا ايماق پەن ەو اراسىنداعى قارىم-قاتىناس جانە وداققا مۇشە مەملەكەتتەردىڭ ايماقپەن ءوزارا ارەكەتتەستىگى ەگجەي-تەگجەيلى سيپاتتالعان»، - دەدى بەلگيا ءسىم شىعىس، وڭتۇستىك-شىعىس ەۋروپا جانە ورتالىق ازيا بويىنشا دەپارتامەنت ديرەكتورى ليۋك ليبو.