جالپى ۇزىندىعى 200،8 كم بولاتىن 205 كوشەدە ورتاشا جوندەۋ جۇمىستارى اياقتالدى، سونداي-اق قالانىڭ اۋدانى 290 مىڭ م2 اساتىن كوشە-جول جەلىسىنە اعىمداعى جوندەۋ جۇرگىزىلدى.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قالا اكىمىنىڭ ورىنباسارى سەرىك قۇسايىنوۆ حابارلادى، دەپ حابارلايدى Almaty-akshamy.kz
سونداي-اق، ول قالاداعى ۆەلوجولدار جەلىسىن 2030 جىلعا قاراي 2،5 ەسەگە ارتتىرۋ جوسپارلانعانىن ايتتى.
اتاپ ايتقاندا، «دۋمان» شاعىن اۋدانىندا ۇزىندىعى 28،8 شاقىرىم بولاتىن 56 كوشەدە كۇردەلى جوندەۋ جۇمىستارى جۇرگىزىلدى.
ينجەنەرلىك جەلىلەردى كوشىرۋ، تروتۋارلاردى، ارىق جەلىلەرىن ورناتۋ جانە سىرتقى جارىقتاندىرۋ تىرەكتەرىن ورناتۋ بويىنشا جۇمىستار جۇرگىزىلدى، - دەپ ناقتىلادى س. قۇسايىنوۆ. - قازىرگى ۋاقىتتا ليۋكتەر مەن تورلاردى كوتەرۋ بويىنشا جۇمىستار جۇرگىزىلۋدە. جۇمىستى وسى جىلدىڭ قاراشا ايىنىڭ سوڭىنا دەيىن اياقتاۋ جوسپارلانۋدا.
تولە بي كوشەسى بويىمەن بايتۇرسىنوۆتان ياسساۋيگە دەيىن جول جابىنىنا ورتاشا جوندەۋ جۇمىستارى جۇرگىزىلدى، تروتۋارلار مەن ارىق جەلىسى ءىشىنارا جوندەلدى.
قازىرگى كەزدە جۇرگىزۋشىلەردىڭ جول قوزعالىسى ەرەجەلەرىن ءجيى بۇزۋلارىنا بايلانىستى تولە بي كوشەسىنىڭ ۋچاسكەسىندە اۋەزوۆ كوشەسىنەن برۋسيلوۆسكييگە دەيىنگى بورديۋرلەر ورناتىلدى. سونداي-اق، روزىباكييەۆ كوشەسىنەن كاريموۆ كوشەسىنە دەيىن ەكى باعىتتا دا انوسوۆ كوشەسىنەن شىعاتىن كولىكتەر ءۇشىن اينالما جولدار سالىندى.
سپيكەر جاقىن ارادا كولىك جانە كوممۋنيكاسيالار عزي الماتىدا ۆەلوينفراقۇرىلىمدى دامىتۋ ستراتەگياسىن ۇسىناتىنىن، وندا ۆەلوينفراقۇرىلىم وبەكتىلەرىن جوبالاۋ، سالۋ جانە پايدالانۋ بويىنشا ۇسىنىمدار كورسەتىلەتىنىن حابارلادى.
2030 جىلعا دەيىن 185 كم-دەن استام ۆەلوجول سالۋ جوسپارلانۋدا، بۇل ولاردىڭ ۇزىندىعىن 2،5 ەسەگە (262،8 كم-گە دەيىن) ارتتىرادى جانە بۇكىل قالانى ءوزارا بايلانىستىرادى.