رەيتينگتە يسلانديا، جاڭا زەلانديا جانە دانيا مەملەكەتتەرى ۇزدىك ۇشتىكتەن ورىن الدى.
2021 جىلدىڭ قاڭتار-شىلدە ايلارىندا ەلدە ەكسترەميزم مەن تەرروريزمگە بايلانىستى 139 قۇقىقبۇزۋشىلىق تىركەلدى. بۇل كورسەتكىش وتكەن جىلمەن سالىستىرعاندا 19،8% كوپ، دەپ حابارلادى Almaty-akshamy.kz Informburo.kz-كە سىلتەمە جاساپ.
2020 جىلى وسى ۋاقىتتا 116 قۇقىقبۇزۋشىلىق تىركەلگەن ەدى، بۇل 2019 جىلمەن سالىستىرعاندا 41،1% از. ال 2021 جىلى العاش رەت وسى تيپتەگى قىلمىس سانى ءوسىپ وتىر. 2017 جانە 2020 جىلدارى كەرىسىنشە ولاردىڭ سانى ازايىپ كەلە جاتقان بولاتىن.
ەڭ كوپ قىلمىس:
- تۇركىستان وبلىسى – 18 جاعداي، وتكەن جىلمەن سالىستىرعاندا 18،2% از؛
- جامبىل وبلىسى – 16 جاعداي، كورسەتكىش ءبىر جىلدا 2 ەسە ءوستى؛
- شىمكەنتتە – 16 جاعداي تىركەلدى، كورسەتكىش ءبىر جىلدا 2 ەسە ءوستى؛
ەڭ از قىلمىس سانى:
- شىعىس قازاقستان وبلىسى – 1 جاعداي؛
- قوستاناي وبلىسىندا – 1 جاعداي.
تىركەلگەن قۇقىقبۇزۋشىلىقتار نەگىزىنەن الەۋمەتتىك، ۇلتشىلدىق، ناسىلشىلدىك، ءتىل تيگىزۋ جانە ءدىني كيكىلجىڭدەرمەن بايلانىستى. وتكەن جىلداعىداي 48 جاعداي تىركەلدى. بۇدان وزگە كوپشىلىكتى تەرروريزم جاساۋعا ۇگىتتەۋ كوپ كەزدەسىپ وتىر.
بيىل بەيبىتشىلىكتى سۇيەتىن حالىقتار رەيتينگىندە قازاقستان 163-ورىننىڭ ىشىنەن 67-ورىنعا جايعاستى. مەملەكەت يندەكسى 1،94ء-تى قۇرادى. يندەكس جوعارى بولعان سايىن ەلدىڭ بەيبىتشىلىكتى ءسۇيۋ قابىلەتى كەرىسىنشە تومەن بولادى. يندەكستى ەسەپتەۋ كەزىندە ەلدە سوعىستىڭ عانا ەمەس، زورلىق-زومبىلىقتىڭ بولماۋى، قىسىم كورسەتىلەدى دەپ قورىقپاۋ، قاۋىپسىزدىك، ءارتۇرلى كيكىلجىڭ جانە ميليتاريزاسيا ەسكەرىلەدى.
تمد ەلدەرى ىشىندە رەيتينگتە مولدوۆا قازاقستاننان جوعارى تۇر. قىرعىزستان، وزبەكستان، ارمەنيا، تاجىكستان، تۇركمەنستان، بەلارۋس، ازەربايجان، ۋكراينا جانە رەسەي سىندى مەملەكەتتەر رەيتينگتە قازاقستاننان تومەن تۇر.
بەيبىتشىلىكتى سۇيەتىن ەلدەر تىزىمىندە يسلانديا، جاڭا زەلانديا جانە دانيا كوش باستادى. ال ەڭ سوڭعى ورىندا – اۋعانستان.