«وتباسى بانك» باستاپقى جارنانى تومەندەتەدى

وتباسىنىڭ تابىسى ەسكەرىلىپ، نەسيە جىلىنا 2-5% مولشەرلەمەمەن بەرىلەدى.

«وتباسى بانك» باسپانا كەزەگىندە تۇرعان ازاماتتار ءۇشىن باستاپقى جارنانى تومەندەتەدى. يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بۇنىڭ يپوتەكالىق باعدارلامالار اياسىندا جۇزەگە اساتىنىن ايتتى، دەپ حابارلايدى Almaty-akshamy.kz Informburo.kz-كە سىلتەمە جاساپ.
«پاتەر الۋ ءۇشىن كەزەكتە تۇرعان ازاماتتار ءۇشىن باستاپقى تولەم 10%-عا دەيىن تومەندەيدى. وتباسى تابىسىنا بايلانىستى نەسيە جىلىنا 2-5% مولشەرلەمەمەن بەرىلەدى»، – دەدى مينيستر.
مۇنىمەن قاتار، بەيبىت اتامقۇلوۆ جەتكىلىكتى شەگىنەن اسقان سوڭ زەينەتاقى جيناعىنا كەلىپ تۇسكەن اقشانى «وتباسى بانكتەگى» شوتقا اۋدارىپ وتىرۋعا رۇقسات بەرۋدى تاپسىردى.
«زەينەتاقى جيناقتارىن پايدالانۋ ەرەجەلەرىنە جيناقتاعى قاراجات جەتكىلىكتى شەگىنەن اسقان سوڭ، قالعانىن «وتباسى بانكتەگى» شوتقا اۋدارىپ وتىرۋعا مۇمكىندىك بەرەتىن وزگەرتۋلەر ەنگىزىلەدى. بۇل ازاماتتاردىڭ تۇرعىن ءۇي جاعدايىن جاقسارتۋ ءۇشىن جاسالادى»، – دەپ قوستى مينيستر.
بۇدان وزگە، بەيبىت اتامقۇلوۆ ازىرلەۋشىلەردى قولداۋ ماقساتىندا ءمجا مەن ۇلەستىك قۇرىلىستىڭ الەۋەتىن بەلسەندى پايدالانا وتىرىپ جوبانى قارجىلاندىرۋ مەحانيزمى ەنگىزىلەتىنىن ءتۇسىندىردى.
ەسكە سالساق، ءۇي كەزەگىندەگى تۇرمىسى تومەن جاندارعا پاتەردى جالعا الۋعا بەرىلەتىن سۋبسيديانىڭ الدىن الا مولشەرى بەلگىلى بولعانى تۋرالى حابارلاعان ەدىك. مەملەكەتتىك كومەكتىڭ ەڭ جوعارى ءمانى الماتى قالاسىندا: پاتەردىڭ 1 شارشى مەترىنە – 0،55 اەك (بيىل 1 604 تەڭگە) مولشەرىندە سۋبسيديا بەرىلەدى.