2 شىلدە كۇنى ەلوردادا «قازاقستان بارىسى» رەسپۋبليكالىق ءتۋرنيرى وتەدى، دەپ حابارلايدى Almaty-akshamy.kz.
«2 شىلدە كۇنى «بارىس ارەنا» سپورت سارايىندا ساعات 12.00-دە باستالادى. تۋرنيرگە ەلىمىزدىڭ ءار وڭىرىنەن 41 پالۋان قاتىسادى. ولاردىڭ قاتارىندا رۋسلان ءابدىرازاقوۆ، نۇرداۋلەت جارىلعاپوۆ، ەراسىل قاجىبايەۆ، عالىمجان قىرىقباي، ماقسات يساعابىلوۆ جانە تاعى باسقا تانىمال پالۋاندار قاتىسادى دەپ جوسپارلانعان. ايتۋلى الامان دودانىڭ بيلەتتەرىن zakazbiletov.kz سايتىنان ساتىپ الۋعا بولادى»، - دەدى استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كاربوزوۆ قالالىق ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ۇيىمداستىرۋشىلاردىڭ مالىمەتىنشە، ايتۋلى جارىسقا وڭىرلەردە ىرىكتەۋ كەزەڭدەرىنەن ءوتىپ، فينالعا جولداما العان مىقتىلار قاتىسادى. ءار وڭىردەن ءابسوليۋتتى سالماق دارەجەسىندەگى ەكى سپورتشىدان ونەر كورسەتەدى، -دەپ جازدى قازاقپارات.
ايتا كەتەيىك، «قازاقستان بارىسى» رەسپۋبليكالىق ءتۋرنيرى قازاق كۇرەسىن دامىتۋ ماقساتىندا ءداستۇرلى تۇردە وتكىزىلىپ كەلەدى.
بيىل استانا كۇنى ءبىر ايى بويى تويلانباق، مەرەكە اياسىندا 100-دەن استام مادەني، سپورتتىق جانە تانىمدىق ءىس-شارا وتەدى دەپ جوسپارلانىپ وتىر.