بايقاۋعا 9 جاستان 14 جاسقا دەيىنگى ورىنداۋشىلار قاتىسا الادى.
«حابار» اگەنتتىگى، Adam media جانە قازاقستان رەسپۋبليكاسىنىڭ مادەنيەت جانە سپورت مينيسترلىگى «Junior Eurovision Song Contest» حالىقارالىق ءان بايقاۋىنىڭ ۇلتتىق ىرىكتەۋىنە قاتىسۋعا وتىنىمدەردى قابىلداۋدىڭ باستالعانىن جاريالادى، دەپ حابارلايدى Almaty-akshamy.kz
بالالار ەۆروۆيدەنيەسى-2021 ءان بايقاۋى 19 جەلتوقسان كۇنى پاريجدەگى (فرانسيا) La Seine Musicale كونسەرت زالىندا وتەدى.
بايقاۋعا 9 جاستان 14 جاسقا دەيىنگى ورىنداۋشىلار قاتىسا الادى (فينال ۋاقىتى كەزىندە، ياعني، 2021 جىلدىڭ 19 جەلتوقساندا، ۇمىتكەردىڭ جاسى وسى كورسەتكىشتەن اسىپ كەتپەۋى كەرەك).
قازاقستان سايىسقا العاشقى رەت 2018 جىلى قاتىستى. ول كەزدە بايقاۋعا دانەليا تولەشوۆا «وزىڭە سەن» انىمەن قاتىسىپ، التىنشى ورىنعا يە بولدى. 2019 جىلى ەرجان ماكسيم «ارمانىڭنان قالما» انىمەن ەكىنشى ورىن الدى (قازىلار القاسىنىڭ شەشىمى بويىنشا ءبىرىنشى ورىن). 2020 جىلى پاندەميا سالدارىنان بالالار ەۆروۆيدەنيەسى ونلاين-فورماتتا ءوتتى. وتكەن جىلدىڭ گراند فينالىندا «Forever» ءانىن ورىنداعان قاراقات باشانوۆا ون ءۇش قاتىسۋشىنىڭ ىشىندە ەكىنشى ورىنعا يە بولدى.