اقيىق اقىنعا ارنالعان فيلم كورەرمەنگە جول تارتادى
21 قازاننان باستاپ «قازاقفيلم» تۇسىرگەن «مۇقاعالي» كوركەم ءفيلمى وتاندىق كينوتەاترلاردا جارىققا شىعادى، دەپ حابارلايدى Almaty-akshamy.kz.
ءفيلمنىڭ رەجيسسەرى – تانىمال قازاقستاندىق رەجيسسەر بولات قالىمبەتوۆ. كارتينانى مادەنيەت جانە سپورت مينيسترلىگىنىڭ تاپسىرىسىمەن شاكەن ايمانوۆ اتىنداعى «قازاقفيلم» اق ءتۇسىردى.
ءتۇسىرىلىم جۇمىستارى وسكەمەن قالاسىندا باستالىپ، سانكت-پەتەربۋرگ، الماتى جانە الماتى وبلىستارىندا جالعاستى. رەجيسسەردىڭ ايتۋىنشا، كارتينا اقىن ءومىرىنىڭ سوڭعى جىلدارى تۋرالى باياندايدى.
«ءبىز فيلمدە مۇقاعالي ماقاتايەۆتىڭ ەسەيگەن كەزىمەن، قازاق كسر جازۋشىلار وداعىنىڭ اقىننىڭ تاعدىرىن وتىرىستا شەشكەن ۋاقىتىمەن تانىسامىز»، - دەدى ءفيلمنىڭ رەجيسسەرى بولات قالىمبەتوۆ.
تۋىندى سەنارييىنىڭ اۆتورلارى – جۇسىپبەك قورعاسبەك، بولات قالىمبەتوۆ، عازيز ناسىروۆ. قويۋشى وپەراتورى – ەدىگە نەسىپبەكوۆ، ال قويۋشى سۋرەتشى – ەرمەك وتەگەنوۆ. كومپوزيتورى – نيكيتا كاريەۆ، پروديۋسەرى – المات ماساليم.