اەروعارىشتىق ونەركاسىپ سالاسىندا جاسالعان جۇمىستى تانىمدىق ويىن-ساۋىق تۇرىندە كورسەتەدى.
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى عارىش سالاسىن تانىمال ەتۋ ءۇشىن بايقوڭىرعا ۇشىپ بارۋعا مۇمكىندىك بەرەتىن TikTok جوباسىن ىسكە قوستى، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
مينيسترلىك وكىلدەرىنىڭ مالىمەتىنشە، 2007 جىلى پرەزيدەنتتىڭ اەروعارىش ونەركاسىبىن دامىتۋ جونىندەگى تاپسىرماسىنان كەيىن «قازعارىش» مەملەكەتتىك ورگانىن قۇرۋ تۋرالى شەشىم قابىلدانعان. بۇل ورگاندى دامىتۋ بارىسىندا عارىش قىزمەتىن جوعارىلاتۋدىڭ بارلىق ستراتەگيالىق باعىتتارى بويىنشا كاسىپورىندار قۇرىلدى. سونىمەن قاتار جوعارى بىلىكتى عىلىمي جانە ينجەنەرلىك مامانداردى دايارلاۋعا باسا نازار اۋدارىلدى. بۇل قازاقستاندىق ينجەنەرلەرگە شەتەلدىك جەتەكشى عارىش كومپانيالارىنىڭ وندىرىستىك الاڭدارىندا تاعىلىمدامادان وتۋگە مۇمكىندىك بەرەدى. الايدا، عارىش تۋرالى ەشنارسەسى جوق بوس كونتەنتتى مەدياكەڭىستىك اتقارىلعان جۇمىستى ءتيىستى دەڭگەيدە اتقارۋعا مۇمكىندىك بەرمەدى جانە حالىققا عارىش سالاسىنىڭ جابىق ەكەنى تۋرالى تۇسىنىك قالدىردى.
عارىش سالاسىن دارىپتەۋ ماقساتىندا ءسدياوم TikTok بەينەپلاتفورماسىمەن بىرگە «ءبىز قاراپايىم عارىشپىز» جوباسىن ازىرلەۋدى باستادى. «ءبىز قاراپايىم عارىشپىز» – قازاقستاننىڭ اەروعارىش ونەركاسىبى تاقىرىبىن جاڭا دەڭگەيگە شىعارۋعا باعىتتالعان الەۋمەتتىك جوبا. سونداي-اق بۇل جوبا جاستاردىڭ وسى سالاعا دەگەن قىزىعۋشىلىعىن وياتۋعا مۇمكىندىك بەرىپ، اەروعارىشتىق ونەركاسىپ سالاسىندا جاسالعان جۇمىستى تانىمدىق ويىن-ساۋىق تۇرىندە كورسەتەدى. بولاشاقتا اەروعارىش ونەركاسىبىن جوعارى دەڭگەيدە دامىتۋ ءۇشىن جوعارى بىلىكتى جاڭا كادرلاردى الىپ كەلۋگە مۇمكىدىگى بار.
جوبادا 20 قىركۇيەكتەن 12 قازانعا دەيىن بولاتىن #ءبىز قاراپايىم عارىشپىز حەشتەگى چەللەندج بولادى. چەللەندجگە قاتىسۋشىلار عارىش تۋرالى قىزىقتى بىلىممەن بولىسە الادى نەمەسە ۇشقىش-عارىشكەر، حالىق قاھارمانى ايدىن ايىمبەتوۆكە قىزىقتى سۇراقتار قويا الادى. چەللەندج جەڭىمپازدارى زىمىراننىڭ ۇشىرىلۋىن تاماشالاۋ ءۇشىن بايقوڭىرعا ساپار جانە DJI مەن قازاقستان عارىش ساپارىنىڭ عارىشتىق جۇلدەلەرىن ۇتىپ الۋ مۇمكىندىگىنە يە بولادى. 18 قازاندا ايدىن ايىمبەتوۆتىڭ TikTok پاراقشاسىندا #ءبىز قاراپايىم عارىشپىز چەللەندج جەڭىمپازدارىنىڭ ەسىمدەرىن بىلۋگە بولادى.
جوبا اياسىندا TikTok پايدالانۋشىلارىنا اەروعارىشتىق قىزمەت تۋرالى كوبىرەك بىلۋگە مۇمكىندىك بەرەتىن پىكىر جەتەكشىلەرىمەن تىكەلەي ەفيرلەر بولادى:
21 قىركۇيەك - ايدىن ايىمبەتوۆپەن بىرگە «سويۋز-2» زىمىران تاسىعىشىمەن «سويۋز مس-22» باسقارىلاتىن كولىك كەمەسىن ۇشىرۋى جوسپارلانعان تىكەلەي كورسەتىلىم؛
23 قىركۇيەك – «دجەيمس ۋەبب تەلەسكوپى» تاقىرىبىندا تىكەلەي ەفير.
27 قىركۇيەك – «عارىشقا ۇشۋعا سپورتتىق دايىندىق» تاقىرىبىندا عارىشكەرلەردىڭ سپورتتىق دايىندىعىن اشىق كورسەتەتىن سپورت ساناتى پىكىر كوشباسشىسىنىڭ تىكەلەي ەفيرى؛
3 قازان – «حيميا نولدەن تومەن» تاقىرىبىندا تىكەلەي ەفير.