ميكرو جانە شاعىن بيزنەس ءۇشىن سالىق جۇكتەمەسىن ازايتۋ ۇسىنىلدى

ءماجىلىستىڭ جالپى وتىرىسىندا دەپۋتاتتار «سالىق كودەكسىنە» وزگەرتۋلەر ەنگىزۋ تۋرالى زاڭ جوباسىن ءبىرىنشى وقىلىمدا ماقۇلدادى.

ءقازىر ەڭبەكاقى قورىنىنان بىرنەشە تولەمدەر جۇرگىزىلەدى. ەندى ولار ءبىر تولەمگە بىرىكتىرىلۋى مۇمكىن، دەپ حابارلايدى Almaty-akshamy.kz.

ال الەۋمەتتىك اۋدارىمداردى جەكە تابىس سالىعى ەسەبىنەن تومەندەتۋ كوزدەلىپ وتىر. قۇجاتتا جەكە تۇلعالاردىڭ بانكروتتىعى كەزىندە سالىق سالۋ ماسەلەسىن رەتتەۋ دە قاراستىرىلعان.

ەسكە سالايىق، بىلتىر مەملەكەت باسشىسى جولداۋىندا جيىنتىق جۇكتەمەنى ازايتىپ، ميكرو جانە شاعىن بيزنەس ءۇشىن ەڭبەكاقى تولەۋ قورىنان الىناتىن ءبىرىڭعاي تولەمدى ەنگىزۋدى تاپسىرعان.

«قوسىمشا قۇن سالىعىن، الەۋمەتتىك سالىقتى بولەك-بولەك تولەيتىن بولسا، سونىڭ بارلىعى بىرىكتىرىلىپ، جانە تومەندەتىلەدى. سالىقتىڭ بارلىق جيىنتىقتارىن قوسساق، شاعىن جانە ميكرو كاسىپورىندار 37 پايىزعا دەيىن تولەيدى. جاڭا بارلىعىن بىرىكتىرىپ كەلگەندە 21،5 پايىزعا دەيىن تومەندەتىلەدى»، - دەيدى ق ر پارلامەنتى ءماجىلىسىنىڭ دەپۋتاتى مالىك قۇلشار.

بالىق وڭدەۋشىگە قوسىلعان قۇن سالىعىن 70 پايىزعا ازايتۋ تۋرالى نورما ۇسىنىلىپ وتىر. ءقازىر مۇنداي جەڭىلدىكتى بالىق ءوسىرۋشى قوجالىقتار قولدانادى. سونىمەن قاتار قانت ءوندىرىسىن ىنتالاندىرۋ ءۇشىن قانت قۇراعى يمپورتىن قوسىلعان قۇن سالىعىنان بوساتۋ دا قاراستىرىلادى. ولار ءۇشىن بۇل سالىق بويىنشا جەڭىلدىكتى ۇزارتۋ دا ۇسىنىلدى. دەپۋتاتتار قۇجاتتى ءبىرىنشى وقىلىمدا ماقۇلدادى. ەكىنشى وقىلىم ەكى اپتا ىشىندە بولادى. جالپى، مۇنداي جەڭىلدىكتەردى كەلەر جىلدان باستاپ ەنگىزۋ جوسپارلانىپ وتىر.