ءماجىلىستىڭ جالپى وتىرىسىندا «قازاقستان ۇكىمەتى مەن ءازىربايجان ۇكىمەتى اراسىنداعى وسىمدىكتەر كارانتينى جانە ولاردى قورعاۋ سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.
«2010 جىلعى 29 ساۋىردەن باستاپ قازاقستان حالىقارالىق وسىمدىكتەر كارانتينى جانە ولاردى قورعاۋ جونىندەگى كونۆەنسيانىڭ (حوكقك) مۇشەسى سانالادى. قازاقستان رەسپۋبليكاسىنىڭ قابىلدانعان حالىقارالىق مىندەتتەمەلەرى فيتوسانيتاريالىق ءىس-شارالار بويىنشا حالىقارالىق ستاندارتتاردىڭ ساقتالۋىن جانە قولدانىلۋىن كوزدەيدى. وسى تالاپتاردى ساقتاۋ ەكى ەل اۋماعىندا ءتيىستى فيتوسانيتاريالىق جاعدايدى قامتاماسىز ەتەدى»، - دەدى ق ر اۋىل شارۋاشىلىعى ءمينيسترى ەربول قاراشوكەيەۆ.
كەلىسىمدى راتيفيكاسيالاۋ بويىنشا زاڭ جوباسىن قابىلداۋ مىنالاردى قامتاماسىز ەتەدى:
- كارانتينگە جاتقىزىلعان ءونىمنىڭ ورنىن اۋىستىرۋ كەزىندە ەلدەردىڭ فيتوسانيتاريالىق قاۋىپسىزدىگىن قامتاماسىز ەتۋ ماقساتىندا ودان ءارى ىنتىماقتاستىقتى دامىتۋ؛
- ەكى ەل اۋماعىنىڭ فيتوسانيتاريالىق جاي-كۇيى تۋرالى ءوزارا حاباردار ەتۋ؛
- زەرتتەۋ جانە دياگنوستيكالاۋ تاجىريبەسىمەن الماسۋ بولىگىندە وسىمدىكتەر كارانتينى جونىندەگى عىلىمي ۇيىمدار اراسىنداعى ىنتىماقتاستىقتى جۇزەگە اسىرۋ.
«قازىرگى كەزدە قازاقستاننان ءازىربايجانعا وسىمدىك شارۋاشىلىعى ونىمدەرى ەكسپورتىنىڭ جالپى كولەمى شامامەن 200 مىڭ توننانى قۇراپ وتىر. ونىڭ ىشىندە نەگىزگى كولەم ءداندى داقىلدار (بيداي، ارپا، س ۇلى) بولسا، سونداي-اق ەكسپورتقا شىعارىلاتىن ءونىمنىڭ ءبىراز بولىگى كۇرىش پەن بۇرشاق داقىلدارىنان تۇرادى. ءوز كەزەگىندە ءازىربايجاننان قازاقستان اۋماعىنا جىلىنا شامامەن 14،5 مىڭ توننا جەمىس-كوكونىس ونىمدەرى كەلەدى. ءازىربايجاننان كەلەتىن يمپورت نەگىزىنەن الما، المۇرت، انار، ءجۇزىم، جاڭعاق جانە سيترۋس جەمىستەرى تۇرلەرىنەن تۇرادى»، - دەدى مينيستر.