اسا iرi كولەمدە الاياقتىق جاسادى دەگەن كۇدىكپەن ۇستالعان قازاقستان ازاماتى رەسەيدەن ەكستراديسيالاندى، دەپ حابارلايدى aqshamnews.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.
"كۇدىكتى 2023 جىلى كورەيا رەسپۋبليكاسىنان اۆتوكولىكتەردى نارىقتىق باعادان تومەن باعامەن جەتكىزۋگە ۋادە بەرىپ، الاياقتىق جولمەن الماتى قالاسىنىڭ 6 تۇرعىنىنىڭ قاراجاتىن يەمدەنىپ، ولارعا جالپى كولەمدە 145 ميلليون تەڭگەدەن استام زالال كەلتىرگەن"، - دەپ جازىلعان حابارلامادا.
قىلمىس جاساعاننان كەيىن كۇدىكتى جاسىرىنىپ، سوعان بايلانىستى وعان حالىقارالىق ىزدەۋ جاريالانعان.
وسى جىلدىڭ ساۋىرىندە ول رەسەي فەدەراسياسىنىڭ كراسنودار ولكەسىندە ۇستالىپ، سودان كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلگە ەكستراديسيالاندى.
ءقازىر كۇدىكتى تەرگەۋ يزولياتورىنا قامالدى.
مۇنداي قىلمىستى جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.