پاريجدە روجدەستۆو مەرەكەسى قارساڭىندا تۇڭعىش رەت ەكوسىيلىقتار جارمەڭكەسى اشىلدى.
وندا كونەنىڭ كوزىندەي بۇيىمدارعا جاڭا ءومىر سىيلانعان ءتۇرلى اشەكەيلەر مەن تۇرمىستىق زاتتار قويىلعان. بيىلعى جاڭا جىل پاريجدىكتەر ءۇشىن ەرەكشە سىيلىقتارمەن ەستە قالماق، دەپ حابارلايدى aqshamnews.kz 24.kz-كە سىلتەمە جاساپ.
ەلدەگى ەڭ ءىرى قايىرىمدىلىق ۇيىمداردىڭ ءبىرى باستاما كوتەرىپ، العاش رەت قايتا وڭدەلگەن سىيلىقتار جارمەڭكەسى ۇيىمداستىرىلدى. بۇل بازارلىقتاردى دايىنداۋ ءۇشىن فرانسيانىڭ تۇكپىر-تۇكپىرىندەگى شەبەرلەر ەكى اي بويى تىنىمسىز ەڭبەك ەتكەن.
لاتيفا لالمي، تىگىن اتەلەسىنىڭ شەبەرى: - ءقازىر روجدەستۆولىق جارمەڭكەلەر ماۋسىمى. سوندىقتان جۇرت جاقىنىنا سىيلىق الامىن دەپ ءبىراز شىعىندالادى. وسى رەتتە ءبىز ولارعا قايتا وڭدەلگەن زاتتىڭ نە ەكەنىن ايتقىمىز كەلدى.
جارمەڭكە سورەلەرىنەن ءتۇرلى كادەسىيلاردى دا تابۋعا بولادى. ولاردىڭ اراسىندا جۋرنالداردان جاسالعان ورىندىقتار، پاريج وليمپياداسى كەزىندە ستاديوننىڭ توبەسىن جاپقان برەزەنتتەن تىگىلگەن سومكەلەر مەن ەسكى جەمپىرلەردەن جاسالعان ويىنشىقتار بار. وسىنداي ەرەكشە سىيلىقتارعا ساتىپ الۋشىلار تاراپىنان اسقان قىزىعۋشىلىق بايقالادى.
ماەل، ساتىپ الۋشى: - ەسكى بۇيىمدارعا جاڭا ءومىر سىيلاۋ يدەياسى وتە كەرەمەت. سونىمەن قاتار وسى جوبا ارقىلى وڭىرلەردەگى ازاماتتاردى جۇمىسپەن قامتۋ جاعى دا ۇنادى. سوندىقتان وسى ءبىر كەرەمەت يدەيانى قولداۋ ماقساتىندا كەلىپ تۇرمىن.
الەۋمەتتىك ءارى ەكولوگيالىق ءمانى بار سىيلىقتاردى ساتىپ الۋ پاريجدىكتەردىڭ كوڭىلىنەن شىقتى. سوندىقتان جارمەڭكە روجدەستۆو مەرەكەسى اياقتالعان سوڭ دا جالعاسىن تاپپاق.