قازاقستاننىڭ اۆياسيالىق اكىمشىلىگى «Air Transport News Corporate Award» سىيلىعىن الدى، دەپ حابارلايدى اlmaty-akshamy.kz BAQ.KZ-كە سىلتەما جاساپ.
شارا بارىسىندا قازاقستاننىڭ اۆياسيالىق اكىمشىلىگى «Air Transport News Corporate Award» سىيلىعىن الدى. بۇل حالىقارالىق اۆياسيالىق قاۋىمداستىعى تاراپىنان قازاقستانداعى ازاماتتىق اۆياسيانى باسقارۋدىڭ جاڭا مودەلىنە كوشۋ بويىنشا جۇرگىزىلگەن جۇمىستاردى مويىنداۋ بولعانى انىق.
ماراپات قازاقستاننىڭ كاناداداعى ەلشىسى اقىلبەك كامالدينوۆكە تابىستالدى. قازاقستاننىڭ اۆياسيالىق اكىمشىلىگى - ءۇش جىل بۇرىن حالىقارالىق وزىق تاجىريبەلەرگە نەگىزدەلگەن ءتيىمدى اۆياسيالىق ورگان بولۋ ماقساتىمەن قۇرىلعان جاس رەتتەۋشى ورگان.
قازاقستاننىڭ اۆياسيالىق اكىمشىلىگى مەن ييدم ازاماتتىق اۆياسيا كوميتەتى قازاقستاننىڭ وڭىرلىك جانە حالىقارالىق دەڭگەيلەردە اۆياسيالىق قاتىسۋىن ودان ءارى دامىتۋدى جانە كەڭەيتۋدى جالعاستىرادى.
2023 جىلعى جەڭىمپازدار اراسىندا يكاو پرەزيدەنتى سالۆاتورە شياچيتانو، ERA باس ديرەكتورى مونسەررات بارريگا، IATA باسقارۋشىلار كەڭەسىنىڭ ءتوراعاسى مەحمەت نانە، گايانا ازاماتتىق اۆياسيا باسقارماسىنىڭ باس ديرەكتورى ەگبەرت فيلد، TIACA، Wizz Air، iGA ستامبۋل اۋەجايى، SkyTeam بار.
ATN كورپوراتيۆتىك ماراپاتى سالانىڭ حالىقارالىق دەڭگەيدە تانىلۋىنىڭ ەڭ جوعارى دەڭگەيىن بىلدىرەدى جانە قازاقستاننىڭ اۆياسيالىق بيلىك ورىندارىن ەلىمىزدىڭ ازاماتتىق اۆياسيا سالاسىنىڭ يگىلىگى ءۇشىن وزدەرىنىڭ ءورشىل ماقساتتارىنا جەتۋگە جانە ءوز الەۋەتىن تولىق ىسكە اسىرۋعا ىنتالاندىراتىن بولادى.