اقش-تان كەلگەن بايقاۋشى Eurasian Security & Prosperity portfolio اعا ديرەكتورى دوكتور كامران بوحاري قازاقستانداعى سايلاۋعا قاتىستى پىكىر ءبىلدىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«اتاپ ايتقاندا، سايلاۋشىلاردىڭ داۋىس بەرۋگە بارىنشا قاتىسۋىنا نازار اۋدارۋ كەرەك. 19 ناۋرىز كۇنى قالا تۇرعىندارى سايلاۋ ۋچاسكەلەرىنە قاراي كەلىپ جاتقانىن كوردىك. وسى ورايدا ولاردىڭ وسى سايلاۋعا كەلۋىن قانداي سەبەپتەر ىنتالاندىرىپ تۇرعانىن سۇراپ بىلدىك»، - دەدى دوكتور كامران بوحاري ەلورداداعى حالىقارالىق بايقاۋشىلارعا قولعابىس كورسەتۋ ورتالىعىندا وتكەن بريفينگتە.
وسى ورايدا ول بيىل جاڭا پارتيالاردىڭ قوسىلۋى داۋىس بەرۋشىلەردىڭ تاڭداۋ جاساۋىنا اسەر ەتكەنىن ايتتى.
«بىرىنشىدەن، العاش رەت قاتىسىپ جاتقان جاڭا پارتيالارعا مۇمكىندىك جاسالدى. پارتيالار قانداي قۇندىلىقتى ۇستانىمدى ناسيحاتتاپ جاتقانىن قاراساڭىز، ءبىرقاتار سالا قامتىلعانىن بايقاۋعا بولادى. جالپى، قازاقستان قازىرگى كۇردەلى گەوساياسي كەزەڭدە ءوزىنىڭ باستامالارىن جۇزەگە اسىرىپ جاتقانىن ماڭىزدى دەپ بىلەمىز. ءقازىر سايلاۋدىڭ تۇپكىلىكتى ناتيجەلەرى جاريالانعان جوق. سوندىقتان ناقتى قورىتىندىنى العاننان سوڭ، ءتيىستى تالداۋ مالىمەتىن كوپشىلىككە تاراتامىز»، - دەدى بايقاۋشى.