قازاقستان 2025 جىلى اۋعانستانعا اۆتوكولىكتەر جەتكىزۋدى باستاۋى مۇمكىن ەكەنىن مالىمدەدى پرەمەر-مينيستردىڭ ورىنباسارى سەرىك جۇمانعارين، دەپ حابارلايدى aqshamnews.kz.
«ءيا، اۋعان ارىپتەستەرىمىز بىزدەن اۆتوكولىكتەر جەتكىزۋدى ۇيىمداستىرۋدى سۇرادى. كابۋل قالاسىنىڭ دامۋى وتە قارقىندى جۇرۋدە. قۇرىلىس، ساۋدا سالالارى وركەندەپ كەلەدى. قارجىلاي مۇمكىندىگى بار ورتا تاپ قالىپتاسۋدا. سول سەبەپتى ولار ءبىزدىڭ جاڭا جانە جۇرىلگەن اۆتوكولىكتەردى ساتاتىن اۆتوورتالىقتاردى ۇيىمداستىرۋ ءۇشىن كەزدەسۋلەر وتكىزۋدى سۇرادى. (…) مەنىڭ ويىمشا، كەلەسى جىلى العاشقى اۆتوكولىكتەردى ساتۋدى باستاۋ مۇمكىندىگى تۋىندايدى»، – دەدى جۇمانعارين سارسەنبى كۇنى ۇكىمەت بريفينگىندە.
ۆيسە-پرەمەر بۇل ماسەلەنى قازاقستانداعى بىرنەشە جەتكىزۋشىمەن تالقىلاعانىن ايتتى. ءبىراق الدىمەن اۋعان تاراپىنان سەنىمدى سەرىكتەس قاجەت ەكەنىن اتاپ ءوتتى. سونداي-اق، مۇنداي بيزنەستى ۇيىمداستىرۋ ءۇشىن جەتكىزۋ باعىتتارىن زەرتتەۋ كەرەك. 22 قازاندا الماتىدا قازاقستان-اۋعانستان بيزنەس-فورۋمى ەكى ەلدىڭ وكىلدەرىنىڭ قاتىسۋىمەن ءوتتى.