الماتى اكىمى ەربولات دوسايەۆ قازاقستان پرەزيدەنتى قاسىم-جومارت توقايەۆتىڭ اتىنان قالانىڭ 93 تۇرعىنىنا مەملەكەتتىك ناگرادالاردى تاپسىردى، دەپ حابارلايدى aqshamnews.kz
ماراپاتقا ەلىمىزدىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسقان الماتىلىقتار ۇسىنىلدى. ولاردىڭ ىشىندە دەنساۋلىق ساقتاۋ، ءبىلىم بەرۋ، مادەنيەت، بيزنەس، كولىك سالالارىنىڭ وكىلدەرى، ەڭبەك ارداگەرلەرى، سونداي-اق قوعام جانە ساياسي قايراتكەرلەر بار.
مەملەكەت باسشىسىنىڭ جارلىعىمەن 1-دارەجەلى «بارىس» وردەنىمەن «ءبيبى-انا» قايىرىمدىلىق قورىنىڭ پرەزيدەنتى بيبىگۇل يمانعازينا ماراپاتتالدى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى سۋرەتشى الەكسەي ۋتكينگە، جامبىل اتىنداعى قازاق مەملەكەتتىك اكادەميالىق فيلارمونيانىڭ ءسوليسى گۇلنار قۇرامبايەۆاعا جانە تاعى باسقالارعا بەرىلدى.
الماتى اكىمى «پاراسات» وردەنىن اكۋشەرلىك، گينەكولوگيا جانە پەريناتولوگيا عىلىمي ورتالىعى ديرەكتورلار كەڭەسىنىڭ ءتورايىمى زاۋرەش امانجولوۆاعا، «دوس-مۇقاسان» ۆيا توبىنىڭ قاتىسۋشىسى ۇلىقپان سىدىقوۆقا جانە ت. ب. تابىس ەتتى؛ «قۇرمەت» وردەنىمەن حالىقارالىق ءبىلىم بەرۋ كورپوراسياسىنىڭ پروفەسسورى تاڭاتقان اباقانوۆ، بەلسەندى ۇزاق ءومىر ءسۇرۋ ورتالىعىنىڭ ديرەكتورى ساۋلە بەكەتايەۆا، قازاقستان سۋرەتشىلەر وداعىنىڭ ءتوراعاسى ومىربەك جۇبانيازوۆ، ەڭبەك ارداگەرلەرى قۋانىش ابدۋحاليموۆ، ليزا كاريموۆا، جانات شانينا جانە تاعى باسقالار ماراپاتتالدى
سونداي-اق مەملەكەت باسشىسىنىڭ اتىنان ەربولات دوسايەۆ:
-3 - دارەجەلى «ەڭبەك داڭقى» وردەنىن – «الماتى تازالىقتىڭ» جول جۇمىسشىسى دينا داريبايەۆاعا، «الماتىەلەكتروترانس» تروللەيبۋس پاركىنىڭ جۇرگىزۋشىسى گۇلبارشىن كۋكايەۆاعا، الماتى جىلۋ جەلىلەرىنىڭ سلەسارى سەرگەي پاداليانگە، № 405 اۆياجوندەۋ زاۋىتىنىڭ سلەسارى التىمبەك جاقسىبايەۆ جانە ت. ب؛
- «ەرەن ەڭبەگى ءۇشىن» مەدالىن – ج. جابايەۆ اتىنداعى № 161 ليسەي ءمۇعالىمى اقىلكۇل ابدىكايىموۆاعا، «الماتى تازالىقتىڭ» جول جۇمىسشىسى ءمادي بەكمۇحانبەتوۆكە، دومبىراشى ايبەك بريمگازينگە، الماتى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى بولىمشەسىنىڭ كومانديرى عالىم نۇرداۋلەتوۆكە، «City-bus» ج ش س سلەسارى اسلان تۋعانبايەۆقا جانە ت. ب.؛
- «شاپاعات» مەدالىن - تۇركسىب اۋدانى كوپبالالى وتباسىلار وداعىنىڭ ءتورايىمى بيبيرابە ايىمبەتوۆاعا ، بوستاندىق اۋدانى پسيحولوگيالىق-پەداگوگيكالىق تۇزەتۋ كابينەتىنىڭ دەفەكتولوگى ايگۇل كەنجەيەۆاعا، «كەدەرگىسىز KZ» مۇگەدەك ادامدار قوعامىنىڭ ءتورايىمى مەرۋەرت قۇلاحمەتوۆاعا، قالالىق ادام رەپرودۋكسياسى ورتالىعىنىڭ اكۋشەر-گينەكولوگ دارىگەرى چاپەن سارمۋلدايەۆاعا، «قازستروي مونوليت» ج ش س باس ديرەكتورى كەرەمەت احانوۆقا جانە تاعى باسقالارعا تابىس ەتتى.
ءىس-شاراعا قازاقستان حالقى اسسامبلەياسىنىڭ، قالانىڭ قوعامدىق كەڭەسىنىڭ، جاستار ۇيىمدارىنىڭ وكىلدەرى، مادەنيەت قايراتكەرلەرى، جوو رەكتورلارى، ءماسليحات دەپۋتاتتارى جانە باسقالار قاتىستى. سالتاناتتى ماراپاتتاۋ ءراسىمى قالا اكىمدىگىنىڭ عيماراتىندا ءوتتى.
ەستەرڭىزگە سالا كەتسەك بۇعان دەيىن رەسپۋبليكا كۇنى قارساڭىندا پرەزيدەنت جارلىعىمەن ءبىر توپ ازامات مەملەكەتتىك ناگرادالارمەن ماراپاتتالعانىن جازعان بولاتىنبىز.