اتالمىش كۋبوك تۇركيادا باستالدى.
جارىستا قازاقستان قۇراماسىنىڭ ءۇش كومانداسى ب ا ق سىنايدى، دەپ حابارلايدى Almaty-akshamy.kz.
تۇركيانىڭ انتاليا قالاسىندا اسىق اتۋ مەن توعىزقۇمالاقتان ەۋرازيا كۋبوگى باستالدى. وعان قازاقستان قۇراماسى ساپىندا اسىق اتۋدان 3 كوماندا بولسا، تۇركيا 5 كوماندا قاتىستىرىپ جاتىر.
بۇدان باسقا، قىرعىزستان، چەحيا، گەرمانيا جانە رۋمىنيادان كەلگەن اسىقشىلار جارىس كورىگىن قىزدىرا تۇسكەن. جالپى العاندا، اسىق اتۋ مەن بەس اسىقتان بارلىعى 66 سپورتشى سىنعا ءتۇسىپ وتىر.
كەشە جارىستىڭ ءبىرىنشى كۇنى الدىن الا ويىندار بولدى. بۇگىن دە ءوزارا مىقتىلار انىقتالىپ، 2 اقپان كۇنى جارتىلاي فينالعا شىققاندار بەلگىلى بولادى. فينالدىق ويىندار 3 اقپان كۇنى ءوتىپ، ەۋرازيا كۋبوگىنىڭ يەگەرلەرى انىقتالادى.
نازارلارىڭىزعا تۇركيادا ەل نامىسىن قورعاپ جاتقان ۇلتتىق قۇراما مۇشەلەرىنىڭ ءتىزىمىن ۇسىنامىز:
اسىق اتۋ
«قازاقستان – 1»
- ەركەباي سارسەكوۆ
- تيمۋر ءابىلوۆ
- قاليبەك قۋان
«قازاقستان – 2»
- سايات قيزات
- الماس جارماعامبەتوۆ
«قازاقستان – 3»
- قايرات جەتپىسوۆ
- قۋات بورانالين
«قازاقستان – 1» قۇراماسى ساپىنداعى ەركەباي سارسەكوۆ – بىلتىر رۋمىنيادا وتكەن الەم كۋبوگىنىڭ يەگەرى.
بەس اسىق
«قازاقستان – 1»
- ءسانيا زەيكەنوۆا
- مەرەكە شاناباي
«قازاقستان – 2»
- مەرەي سۇلەيمەن
- كوگەرشىن دۋمان
بەس اسىقتان ۇلتتىق قۇراما مۇشەسى – ءسانيا زەيكەنوۆا ازيا چەمپيوناتىنىڭ جۇلدەگەرى. دوداعا قىرعىزستاننان كەلگەن حالىقارالىق دارەجەدەگى سپورت شەبەرلەرى يسكەندەر كوجوكەيەۆ پەن نۋرمۋحامەد ابدولوۆتار دا قاتىسىپ وتىر. ەۋرازيا كۋبوگىنا جومارت سابىرجانوۆ باستاعان تورەشىلەر سامات اۋكەنوۆ پەن اعجان سۇراعانوۆتار قازىلىق ەتەدى.