امەريكالىق تاراپ مەملەكەت باسشىسىنىڭ اۋقىمدى رەفورمالارىن جۇزەگە اسىرۋدى تولىق قولدايتىنىن تاعى دا راستادى.
سىرتقى ىستەر مينيسترلىگى قازاقستان مەن اقش اراسىنداعى ادام قۇقىقتارى جونىندەگى ديالوگتىڭ كەزەكتى وتىرىسى تۋرالى مالىمدەدى، دەپ حابارلايدى Almaty-akshamy.kz
ق ر پرەزيدەنتى اكىمشىلىگى باسشىسىنىڭ ورىنباسارى – پرەزيدەنتتىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان جانە اقش مەملەكەتتىك حاتشىسىنىڭ ازاماتتىق قاۋىپسىزدىك، دەموكراتيا جانە ادام قۇقىقتارى ماسەلەلەرى جونىندەگى ورىنباسارى ۋزرا زەيانىڭ تەڭ توراعالىعىمەن قازاقستان مەن اقش ادام قۇقىقتارى مەن دەموكراتيالىق رەفورمالار جونىندەگى جوعارى دەڭگەيدەگى جىل سايىنعى ديالوگتىڭ ەكىنشى وتىرىسىن وتكىزدى.
تاراپتار ق ر پرەزيدەنتى قاسىم-جومارت توقايەۆتىڭ ساياسي جۇيەنى ودان ءارى دەموكراتيالاندىرۋ جانە ادام مەن ازامات قۇقىقتارىنىڭ كونستيتۋسيالىق كەپىلدىكتەرىن نىعايتۋ جونىندەگى باعدارلاماسىن ىسكە اسىرۋ بارىسىن سىندارلى تۇردە تالقىلادى. امەريكالىق تاراپ مەملەكەت باسشىسىنىڭ اۋقىمدى رەفورمالارىن جۇزەگە اسىرۋدى تولىق قولدايتىنىن تاعى دا راستادى.
كەزدەسۋ قورىتىندىسى بويىنشا تاراپتار ادام قۇقىقتارى سالاسىنداعى ناتيجەلى ءوزارا ءىس-قيمىلدى جالعاستىرۋ بويىنشا نيەتىن قۇپتادى جانە بىرلەسكەن مالىمدەمەنى قابىلدادى.