قاراپايىم ساتىپ الۋشىنىڭ سىڭايىن تانىتىپ جۇرگەن ۇرى بۇل كاسىبىنە ابدەن ماشىقتانعان بولىپ شىقتى.
2002 جىلى تۋعان و.ەسىمدى ازامات ءساندى جانە ونىمەن بايلانىستى بارلىق نارسەنى باعالايتىن ادام بولىپ شىقتى. تەرگەۋدىڭ وسى كەزەڭىندە ونىڭ بىرنەشە ۇرلىق دەرەگىنە قاتىسى بار ەكەنى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جاس جىگىتتىڭ ساتىپ الۋشىنىڭ اتىن جامىلىپ، ساۋدا ورىندارىنا بارىپ، وزىنە كيىم تاڭداعانى بەلگىلى بولدى. ساتۋشىنىڭ كوڭىلى باسقا جاققا اۋعان ساتتە ول زاتتاردى ۇرلاپ، قىلمىس ورنىنان بوي تاسالاعان. ۇستالعان ازامات ۇرلىققا قاتىسى بارىن جوققا شىعارمايدى. اتالعان دەرەك ق ر قك-نىڭ 188-بابى (ۇرلىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلگەن. كۇدىكتىنىڭ جەكە باسىن قالانىڭ باسقا جەرلەرىندە جاسالعان وسىعان ۇقساس قىلمىسقا قاتىسى بار-جوعىنا مىندەتتى تۇردە تەكسەرەتىن بولامىز. وسى ماقساتتا جەدەل جانە تەرگەۋ شارالارى جۇرگىزىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.